ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਅਤੇ ਡੀ.ਆਰ.ਡੀ.ਓ. ਦੇ ਪ੍ਰਧਾਨ ਡਾ. ਜੀ. ਸਤੀਸ਼ ਰੈੱਡੀ ਨੇ ਵਿਗਿਆਨੀਆਂ ਦੀ ਟੀਮ ਨੂੰ ਇਸ ਸਫ਼ਲਤਾ ਲਈ ਵਧਾਈ ਦਿੱਤੀ ਹੈ।
ਨਵੀਂ ਦਿੱਲੀ- ਇੰਡੀਅਨ ਡਿਫੈਂਸ ਰਿਸਰਚ ਐਂਡ ਡਿਵੈਲਪਮੈਂਟ ਆਰਗੇਨਾਈਜ਼ੇਸ਼ਨ (ਡੀਆਰਡੀਓ) ਨੇ ਇੱਕ ਕਵਚ ਬਣਾਇਆ ਹੈ ਜੋ ਕਿ ਭਾਰਤੀ ਜਲ ਸੈਨਾ ਦੇ ਜਹਾਜ਼ਾਂ ਨੂੰ ਦੁਸ਼ਮਣ ਮਿਜ਼ਾਈਲਾਂ ਤੋਂ ਬਚਾਏਗੀ। ਇਸ ਪ੍ਰਣਾਲੀ ਦਾ ਨਾਮ ਐਡਵਾਂਸਡ ਸ਼ੈਫ ਟੈਕਨਾਲੋਜੀ ਹੈ। ਇਹ ਡੀਆਰਡੀਓ ਦੀ ਜੋਧਪੁਰ ਪ੍ਰਯੋਗਸ਼ਾਲਾ ਦੁਆਰਾ ਵਿਕਸਤ ਕੀਤਾ ਗਿਆ ਹੈ। ਇਸ ਤਕਨਾਲੋਜੀ ਦੇ ਤਿੰਨ ਰੂਪ ਬਣਾਏ ਗਏ ਹਨ। ਛੋਟੀ ਦੂਰੀ, ਮੱਧਮ ਦੂਰੀ ਅਤੇ ਲੰਬੀ ਦੂਰੀ ਦੇ ਹੋਣਗੇ ਅਤੇ ਇਨ੍ਹਾਂ ਨੂੰ ਜਲ ਸੈਨਾ ਦੀ ਜ਼ਰੂਰਤ ਅਨੁਸਾਰ ਵਿਕਸਿਤ ਕੀਤਾ ਗਿਆ ਹੈ।
ਜੰਗਾ ਸਮੁੰਦਰੀ ਜਹਾਜ਼ਾਂ ਵਿਚ ਚਾਫ ਰਾਕੇਟ ਰੱਖਣ ਦਾ ਫਾਇਦਾ ਇਹ ਹੈ ਕਿ ਜਦੋਂ ਉਨ੍ਹਾਂ ਨੂੰ ਲਾਂਚ ਕੀਤਾ ਜਾਂਦਾ ਹੈ ਤਾਂ ਦੁਸ਼ਮਣ ਦੀ ਮਿਜ਼ਾਈਲ ਉਨ੍ਹਾਂ ਨਾਲ ਟਕਰਾਉਂਦੀ ਹੈ ਅਤੇ ਹਵਾ ਵਿਚ ਫਟ ਜਾਂਦੀ ਹੈ। ਇਸ ਨਾਲ ਜਗੀ ਜ਼ਹਾਜ਼ ਬਚ ਜਾਂਦੇ ਹਨ। ਇਹ ਅਜਿਹਾ ਹੀ ਯੰਤਰ ਹੈ ਜੋ ਲੜਾਕੂ ਜਹਾਜ਼ਾਂ ਵਿਚ ਐਂਟੀ-ਮਿਜ਼ਾਈਲ ਫਲੇਅਰ ਸਿਸਟਮ ਵਿਚ ਹੁੰਦਾ ਹੈ ਯਾਨੀ ਮਿਜ਼ਾਈਲ ਨੂੰ ਆਉਂਦਿਆਂ ਵੇਖ ਐਂਟੀ-ਫਲੇਅਰ ਸਿਸਟਮ ਅੱਗ ਦੇ ਫੁਹਾਰੇ ਨੂੰ ਜੇਟ ਦੇ ਪਿੱਛੇ ਛੱਡ ਦਿੰਦਾ ਹੈ। ਮਿਜ਼ਾਈਲ ਉਨ੍ਹਾਂ ਨਾਲ ਟਕਰਾ ਕੇ ਤਬਾਹ ਹੋ ਜਾਂਦੀ ਹੈ।
DRDO develops Advanced Chaff Technology to safeguard naval ships from missile attack
ਐਂਟੀ-ਮਿਜ਼ਾਈਲ ਫਲੇਅਰ ਸਿਸਟਮ ਦੀ ਤਰ੍ਹਾਂ, ਚਾਫ ਤਕਨਾਲੋਜੀ ਦੇ ਰਾਕੇਟ ਮਿਜ਼ਾਈਲ ਨੂੰ ਵੇਖਦਿਆਂ ਹੀ ਹਵਾ ਵਿਚ ਉੱਡ ਜਾਂਦੇ ਹਨ। ਇਹ ਦੁਸ਼ਮਣ ਦੀ ਮਿਜ਼ਾਈਲ ਨੂੰ ਜੰਗੀ ਜ਼ਹਾਜਾਂ ਤੋਂ ਕਾਫ਼ੀ ਦੂਰ ਨਸ਼ਟ ਕਰ ਦਿੰਦੇ ਹਨ। ਭਾਰਤੀ ਜਲ ਸੈਨਾ ਨੇ ਅਰਬ ਸਾਗਰ ਵਿਚ ਡੀਆਰਡੀਓ ਦੁਆਰਾ ਬਣਾਏ ਗਏ ਚੈਫ ਰਾਕੇਟ ਦੇ ਤਿੰਨਾਂ ਰੂਪਾਂ ਦੀ ਜਾਂਚ ਕੀਤੀ। ਸਾਰੇ ਟੈਸਟ ਸਫਲ ਰਹੇ। ਭਾਰਤੀ ਜਲ ਸੈਨਾ ਦੇ ਅਧਿਕਾਰੀ ਇਸ ਤਕਨਾਲੋਜੀ ਤੋਂ ਸੰਤੁਸ਼ਟ ਹਨ ਕਿਉਂਕਿ ਇਹ ਦੁਸ਼ਮਣ ਮਿਜ਼ਾਈਲਾਂ ਤੋਂ ਜੰਗੀ ਜਹਾਜ਼ਾਂ ਨੂੰ ਬਚਾ ਸਕਦਾ ਹੈ।
DRDO develops Advanced Chaff Technology to safeguard naval ships from missile attack
ਦੱਸ ਦਈਏ ਕਿ ਇਸ ਉਪਲੱਬਧੀ ਨੂੰ ਆਤਮਨਿਰਭਰ ਭਾਰਤ ਦੀ ਦਿਸ਼ਾ 'ਚ ਇਕ ਹੋਰ ਵੱਡਾ ਕਦਮ ਦੱਸਿਆ ਜਾ ਰਿਹਾ ਹੈ। ਜਲ ਸੈਨਾ ਨੇ ਹਾਲ ਹੀ 'ਚ ਰਾਕੇਟ ਦੇ ਇਨ੍ਹਾਂ ਤਿੰਨਾਂ ਐਡੀਸ਼ਨਾਂ ਦਾ ਅਰਬ ਸਾਗਰ 'ਚ ਪ੍ਰੀਖਣ ਕੀਤਾ ਸੀ ਅਤੇ ਇਨ੍ਹਾਂ ਦੇ ਨਤੀਜੇ ਸੰਤੋਸ਼ਜਨਕ ਪਾਏ ਗਏ ਸਨ। ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਅਤੇ ਡੀ.ਆਰ.ਡੀ.ਓ. ਦੇ ਪ੍ਰਧਾਨ ਡਾ. ਜੀ. ਸਤੀਸ਼ ਰੈੱਡੀ ਨੇ ਵਿਗਿਆਨੀਆਂ ਦੀ ਟੀਮ ਨੂੰ ਇਸ ਸਫ਼ਲਤਾ ਲਈ ਵਧਾਈ ਦਿੱਤੀ ਹੈ।
