ਮਹਾਰਸ਼ਟਰ ਵਿਚ ਏਟੀਐਮ ਤੋੜ ਕੇ 22 ਲੱਖ ਰੁਪਏ ਚੋਰੀ ਕਰਨ ਵਾਲੇ ਗਿਰੋਹ ਦੇ ਦੋ ਦੋਸ਼ੀਆਂ ਨੂੰ ਪੁਲਿਸ ਨੇ ਥਾਣਾ ਸਦਰ ਪਿੰਡ ਨਾਵਲੀ ਤੋਂ ਗ੍ਰਿਫ਼ਤਾਰ ਕਰਕੇ....
ਗੁੜਗਾਓ : ਮਹਾਰਸ਼ਟਰ ਵਿਚ ਏਟੀਐਮ ਤੋੜ ਕੇ 22 ਲੱਖ ਰੁਪਏ ਚੋਰੀ ਕਰਨ ਵਾਲੇ ਗਿਰੋਹ ਦੇ ਦੋ ਦੋਸ਼ੀਆਂ ਨੂੰ ਪੁਲਿਸ ਨੇ ਥਾਣਾ ਸਦਰ ਪਿੰਡ ਨਾਵਲੀ ਤੋਂ ਗ੍ਰਿਫ਼ਤਾਰ ਕਰਕੇ ਮਹਾਰਾਸ਼ਟਰ ਪੁਲਿਸ ਦੇ ਹਵਾਲੇ ਕਰ ਦਿਤਾ ਹੈ। ਇਸ ਮਾਮਲੇ ਵਿਚ ਇਕ ਦੋਸ਼ੀ ਨੂੰ ਮਹਾਂਰਾਸ਼ਟਰ ਪੁਲਿਸ ਨੇ ਪਹਿਲਾਂ ਹੀ ਗ੍ਰਿਫ਼ਤਾਰ ਕਰ ਲਿਆ ਸੀ। ਦੋਨਾਂ ਦੋਸ਼ੀਆਂ ਦੀ ਪਹਿਚਾਣ ਰੋਬਿਨ ਅਤੇ ਅਕਰਮ ਦੇ ਰੂਪ ਵਿਚ ਹੋਈ ਹੈ। ਮਹਾਰਾਸ਼ਟਰ ਦੇ ਡਾਲੀਆ ਵਿਚ ਆਈਸੀਆਈਸੀਆਈ ਬੈਂਕ ਦੇ ਏਟੀਐਮ ਨੂੰ ਤੋੜ ਕੇ ਵਾਰਦਾਤ ਨੂੰ ਅੰਜ਼ਾਮ ਦਿਤਾ ਗਿਆ ਸੀ।
ਮਹਾਰਾਸ਼ਟਰ ਪੁਲਿਸ ਦੀ ਜਾਂਚ ਵਿਚ ਪਤਾ ਚੱਲਿਆ ਸੀ ਕਿ ਵਾਰਦਾਤ ਨੂੰ ਅੰਜ਼ਾਮ ਦੇਣ ਵਾਲੇ ਬਦਮਾਸ਼ਾ ਦੇ ਤਾਰ ਨੂੰਹ ਦੇ ਫ਼ਿਰੋਜ਼ਪੁਰ ਝਿਰਕਾ ਥਾਣੇ ਦੇ ਪਿੰਡ ਨਾਵਲੀ ਨਾਲ ਜੁੜੇ ਹਨ। ਇਸ ਤੋਂ ਬਾਅਦ ਮਹਾਰਾਸ਼ਟਰ ਪੁਲਿਸ ਨੇ ਨੂੰਹ ਦੇ ਐਸ.ਪੀ ਰਾਜੇਸ਼ ਦੁੱਗਲ ਨਾਲ ਦੋਸ਼ੀਆਂ ਨੂੰ ਦਬੋਚਣ ਦੇ ਲਈ ਸਹਿਯੋਗ ਮੰਗਿਆ। ਕ੍ਰਾਈਮ ਬ੍ਰਾਂਚ ਡਾਲੀਆ ਦੇ ਸਬ-ਇੰਸਪੈਕਟਰ ਸੋਨਾਵਾਨੇ ਪੁਲਿਸ ਟੀਮ ਦੇ ਨਾਲ ਫਿਰੋਜ਼ਪੁਰ ਝਿਰਕਾ ਥਾਣੇ ਪਹੁੰਚੇ।
ਇਸ ਤੋਂ ਬਾਅਦ ਫਿਰੋਜ਼ਪੁਰ ਝਿਰਕਾ ਥਾਣੇ, ਸੀਆਈਏ ਸਟਾਫ਼ ਨੂੰਹ, ਤਾਵੜੂ, ਨਗੀਨਾ ਥਾਣੇ ਅਤੇ ਪੁਲਿਸ ਲਾਈਨ ਦੇ ਜਾਵਾਨਾਂ ਨੇ ਨਾਵਲੀ ਪਿੰਡ ਜਾ ਕੇ ਦੋਨਾਂ ਬਦਮਾਸ਼ਾਂ ਦੇ ਘਰ ਦੀ ਘੇਰਾਬੰਦੀ ਕੀਤੀ ਅਤੇ ਉਹਨਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਫਿਰੋਜ਼ਪੁਰ ਝਿਰਕਾ ਥਾਣੇ ਦੇ ਮੁਖੀ ਕੁਲਦੀਪ ਸਿੰਘ ਨੇ ਦੱਸਿਆ ਕਿ ਦੋਸ਼ੀਆਂ ਨੂੰ ਮਹਾਰਾਸ਼ਟਰ ਪੁਲਿਸ ਨੂੰ ਸੌਂਪ ਦਿਤਾ ਹੈ।
