ਨੌਜਵਾਨਾਂ ਨੇ ਆਪਣੇ ਆਪ ਨੂੰ ਹਿੰਦੂ-ਮੁਸਲਿਮ ਸਭਿਆਚਾਰ ਵਿੱਚ ਵਿਸ਼ਵਾਸੀ ਦੱਸਿਆ।
ਮਥੁਰਾ: ਨੰਦਗਾਂਵ ਦੇ ਮਸ਼ਹੂਰ ਨੰਦਬਾਬਾ ਮੰਦਰ 'ਚ ਨਮਾਜ਼ ਪੜ੍ਹਨ ਦਾ ਮਾਮਲਾ ਵੇਖਣਾ ਨੂੰ ਮਿਲਿਆ ਹੈ। ਇਸ ਮਾਮਲੇ ਦੇ ਬਾਰੇ ਪਤਾ ਚੱਲਣ ਤੋਂ ਬਾਅਦ ਮੰਦਰ ਪ੍ਰਸ਼ਾਸਨ ਨੇ ਚਾਰ ਲੋਕਾਂ ਖ਼ਿਲਾਫ਼ ਕੇਸ ਦਰਜ ਕਰਵਾਇਆ ਹੈ। ਦੱਸ ਦੇਈਏ ਇਹ ਘਟਨਾ 29 ਅਕਤੂਬਰ ਦੀ ਦੱਸੀ ਜਾ ਰਹੀ ਹੈ। ਫੋਟੋ ਵਾਇਰਲ ਹੋਣ ਤੋਂ ਬਾਅਦ ਹੀ ਪੁਲਿਸ ਨੇ ਚਾਰ ਲੋਕਾਂ ਖਿਲਾਫ ਮਾਮਲਾ ਦਰਜ ਕੀਤਾ ਸੀ।
ਹੁਣ ਮੰਦਰ ਨੂੰ ਵੀ ਗੰਗਾ ਜਲ ਨਾਲ ਧੋਤਾ ਗਿਆ। ਕੋਰੋਨਾ ਦੇ ਕਹਿਰ ਦੇ ਚਲਦੇ ਮੰਦਰ ਵਿੱਚ ਘੱਟ ਭੀੜ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਚਾਰ ਨੌਜਵਾਨ ਮੰਦਰ ਪਹੁੰਚੇ। ਉਨ੍ਹਾਂ ਨੇ ਆਪਣਾ ਨਾਮ ਫੈਜ਼ਲ ਖ਼ਾਨ, ਮੁਹੰਮਦ ਚੰਦ, ਨੀਲੇਸ਼ ਗੁਪਤਾ ਤੇ ਅਲੋਕ ਦੱਸਿਆ। ਇਨ੍ਹਾਂ ਨੌਜਵਾਨਾਂ ਨੇ ਆਪਣੇ ਆਪ ਨੂੰ ਹਿੰਦੂ-ਮੁਸਲਿਮ ਸਭਿਆਚਾਰ ਵਿੱਚ ਵਿਸ਼ਵਾਸੀ ਦੱਸਿਆ।
ਮੋਬਾਈਲ 'ਚ ਸਾਰੇ ਸੰਤਾਂ ਦੇ ਨਾਲ ਆਪਣੀ ਫੋਟੋ ਵੀ ਦਿਖਾਈ ਸੀ। ਉਨ੍ਹਾਂ ਮੰਦਰ ਦੇ ਸੇਵਾਦਾਰ ਕਾਨ੍ਹਾ ਗੋਸਵਾਮੀ ਦੇ ਦਰਸ਼ਨ ਕਰਨ ਦੀ ਇਜਾਜ਼ਤ ਮੰਗੀ। ਜਦੋਂ ਫੈਜ਼ਲ ਤੇ ਚੰਦ ਮੁਹੰਮਦ ਨਮਾਜ਼ ਪੜ੍ਹ ਰਹੇ ਸੀ, ਤਾਂ ਉਨ੍ਹਾਂ ਦੇ ਦੋਸਤ ਨੀਲੇਸ਼ ਗੁਪਤਾ ਤੇ ਅਲੋਕ ਨੇ ਫੋਟੋ ਖਿੱਚ ਲਈ ਜੋ ਬਾਅਦ ਵਿਚ ਵਾਇਰਲ ਹੋ ਗਿਆ। ਪੁਲਿਸ ਨੇ ਫੈਜ਼ਲ, ਚੰਦ, ਨੀਲੇਸ਼ ਅਤੇ ਅਲੋਕ ਖਿਲਾਫ ਧਾਰਾ 153 ਏ, 295 ਤੇ 505 ਦੇ ਤਹਿਤ ਕੇਸ ਦਰਜ ਕੀਤੇ ਹਨ।
