ਕੰਪਨੀ ਦੇ ਪਿਛਲੇ ਸਾਲ ਦੇ ਫ਼ੈਸਲੇ ਨੂੰ ਪਲਟਿਆ
ਨਵੀਂ ਦਿੱਲੀ : ਦਿੱਲੀ ਉੱਚ ਅਦਾਲਤ ਨੇ ਪਿਛਲੇ ਸਾਲ ਨੌਕਰੀ ਤੋਂ ਕੱਢੇ ਗਏ ਰਾਸ਼ਟਰੀ ਜਹਾਜ਼ ਕੰਪਨ ਏਅਰ ਇੰਡੀਆ ਦੇ ਜਹਾਜ਼ ਚਾਲਕਾਂ ਨੂੰ ਵੱਡੀ ਰਾਹਤ ਦਿੰਦੇ ਹੋਏ ਕੰਪਨੀ ਦੇ ਪਿਛਲੇ ਸਾਲ ਦੇ ਫ਼ੈਸਲੇ ਨੂੰ ਮੰਗਲਵਾਰ ਨੂੰ ਪਲਟ ਦਿਤਾ ਅਤੇ ਉਨ੍ਹਾਂ ਦੀ ਮੁੜ ਬਹਾਲੀ ਦੇ ਹੁਕਮ ਦਿਤੇ।
Dehli High court
ਜੱਜ ਜੋਤੀ ਸਿੰਘ ਨੇ ਏਅਰ ਇੰਡੀਆ ਨੂੰ ਇਹ ਹੁਕਮ ਦਿਤਾ। ਉਨ੍ਹਾਂ ਨੇ ਅਪਣੇ ਹੁਕਮ ਵਿਚ ਨਾਲ ਹੀ ਕਿਹਾ ਕਿ ਇਨ੍ਹਾਂ ਜਹਾਜ਼ ਚਾਲਕਾਂ ਨੂੰ ਪੁਰਾਣੇ ਭੱਤੇ ਦਾ ਭੁਗਤਾਨ ਕਰੇ। ਅਦਾਲਤ ਨੇ ਕਿਹਾ ਕਿ ਏਅਰ ਇੰਡੀਆ ਨੂੰ ਭੱਤੇ ਸਮੇਤ ਪਿਛਲੀ ਤਨਖਾਹ ਸੇਵਾ ਅਧੀਨ ਜਹਾਜ਼ ਚਾਲਕਾਂ ਦੇ ਬਰਾਬਜ ਅਤੇ ਸਰਕਾਰੀ ਨਿਯਮਾਂ ਅਨੁਸਾਰ ਦੇਣੀ ਹੋਵੇਗੀ।
Air India
ਅਦਾਲਤ ਨੇ ਕਿਹਾ ਕਿ ਮਾਮਲੇ ਵਿਚ ਵਿਸਥਾਰਤ ਹੁਕਮ ਬੁਧਵਾਰ ਨੂੰ ਹੀ ਉਪਲਬਧ ਹੋ ਸਕੇਗਾ। ਅਦਾਲਤ ਨੇ ਇਹ ਹੁਕਤ ਜਹਾਜ਼ ਚਾਲਕਾਂ ਵਲੋਂ ਦਾਖ਼ਲ 40 ਤੋਂ ਜ਼ਿਆਦਾ ਅਪੀਲਾਂ ’ਤੇ ਦਿਤਾ, ਜਿਨ੍ਹਾਂ ਦੀ ਨੌਕਰੀ ਏਅਰ ਇੰਡੀਆ ਨੇ ਪਿਛਲੇ ਸਾਲ 13 ਅਗੱਸਤ ਨੂੰ ਖ਼ਤਮ ਕਰ ਦਿਤੀ ਸੀ।
Air india
ਨੌਕਰੀ ਤੋਂ ਕੱਢੇ ਗਏ ਜ਼ਿਆਦਾਤਰ ਚਾਲਕਾਂ ਦੀ ਅਗਵਾਈ ਵਕੀਲ ਰਵੀ ਰਘੁਨਾਥ ਅਤੇ ਨੀਲਾਂਸ਼ ਗੌੜ ਕਰ ਰਹੇ ਹਨ। ਇਨ੍ਹਾਂ ਜਹਾਜ਼ ਚਾਲਕਾਂ ਨੇ ਪਹਿਲਾਂ ਅਸਤੀਫ਼ਾ ਦੇਣ ਤੋਂ ਬਾਅਦ ਉਸ ਨੂੰ ਵਾਪਸ ਲੈ ਲਿਆ ਸੀ। ਅਜਿਹਾ ਕਰਨ ਵਾਲੇ ਚਾਲਕਾਂ ਨੂੰ ਕੰਪਨੀ ਨੇ ਸੇਵਾ ਮੁਕਤੀ ਪੱਤਰ ਦੇ ਦਿਤੇ ਸਨ। ਜਿਸ ਵਿਰੁਧ ਚਾਲਕਾਂ ਨੇ ਅਦਾਲਤ ਦਾ ਦਰਵਜ਼ਾ ਖੜਕਾਇਆ ਸੀ।
