ਕੇਂਦਰੀ ਮੰਤਰੀ ਸਮ੍ਰਿਤੀ ਇਰਾਨੀ ਨੇ ਸਾਰੇ ਭਾਰਤੀ ਵਿਦਿਆਰਥੀਆਂ ਦਾ ਸਵਾਗਤ ਕੀਤਾ ਅਤੇ ਭਾਰਤ ਮਾਤਾ ਦੀ ਜੈ ਦੇ ਨਾਅਰੇ ਵੀ ਲਗਾਏ।
ਨਵੀਂ ਦਿੱਲੀ - ਆਪਰੇਸ਼ਨ 'ਗੰਗਾ' ਰਾਹੀਂ ਭਾਰਤ ਸਰਕਾਰ ਯੂਕਰੇਨ 'ਚ ਫਸੇ ਭਾਰਤੀ ਨਾਗਰਿਕਾਂ ਨੂੰ ਵਾਪਸ ਲਿਆ ਰਹੀ ਹੈ ਤੇ ਇਹ ਸਿਲਸਿਲਾ ਤੇਜ਼ੀ ਨਾਲ ਚੱਲ ਰਿਹਾ ਹੈ। ਇਸ ਦੌਰਾਨ ਕਈ ਕੇਂਦਰੀ ਮੰਤਰੀ ਖੁਦ ਏਅਰਪੋਰਟ ਪਹੁੰਚ ਕੇ ਨਾਗਰਿਕਾਂ ਦਾ ਸਵਾਗਤ ਕਰ ਰਹੇ ਹਨ। ਇੰਡੀਗੋ ਏਅਰਲਾਈਨਜ਼ ਦੇ ਜਹਾਜ਼ ਦੇ ਅੰਦਰ ਜਾ ਕੇ ਕੇਂਦਰੀ ਮੰਤਰੀ ਸਮ੍ਰਿਤੀ ਇਰਾਨੀ ਨੇ ਸਾਰੇ ਭਾਰਤੀ ਵਿਦਿਆਰਥੀਆਂ ਦਾ ਸਵਾਗਤ ਕੀਤਾ ਅਤੇ ਭਾਰਤ ਮਾਤਾ ਦੀ ਜੈ ਦੇ ਨਾਅਰੇ ਵੀ ਲਗਾਏ।
#WATCH | Union Minister Smriti Irani welcomes Indians back home by speaking in regional languages on their return from war-torn #Ukraine pic.twitter.com/ZlfW39w6in
— ANI (@ANI) March 2, 2022
ਨਿਊਜ਼ ਏਜੰਸੀ ਏਐੱਨਆਈ ਵੱਲੋਂ ਇਕ ਵੀਡੀਓ ਪੋਸਟ ਕੀਤੀ ਗਈ ਹੈ ਜਿਸ ਵਿਚ ਕੇਂਦਰੀ ਮੰਤਰੀ ਸਮ੍ਰਿਤੀ ਇਰਾਨੀ ਇੰਡੀਗੋ ਏਅਰਲਾਈਨਜ਼ ਦੇ ਜਹਾਜ਼ ਦੇ ਅੰਦਰ ਵਿਦਿਆਰਥੀਆਂ ਦਾ ਸੁਆਗਤ ਕਰਦੀ ਨਜ਼ਰ ਆਈ। ਜਹਾਜ਼ 'ਤੇ ਮਾਈਕ ਰਾਹੀਂ, ਸਮ੍ਰਿਤੀ ਇਰਾਨੀ ਨੇ ਯੂਕਰੇਨ ਤੋਂ ਆਏ ਭਾਰਤੀਆਂ ਨਾਲ ਗੱਲ ਕੀਤੀ ਅਤੇ ਕਿਹਾ ਕਿ ਭਾਰਤੀਆਂ ਨੇ "ਸਭ ਤੋਂ ਚੁਣੌਤੀਪੂਰਨ ਸਮੇਂ" ਵਿਚ "ਮਿਸਾਲਦਾਰ ਸਾਹਸ" ਦਿਖਾਇਆ ਹੈ। ਇੰਨਾ ਹੀ ਨਹੀਂ ਕੇਂਦਰੀ ਮੰਤਰੀ ਸਮ੍ਰਿਤੀ ਇਰਾਨੀ ਨੇ ਖੇਤਰੀ ਭਾਸ਼ਾਵਾਂ ਬੋਲ ਕੇ ਉਹਨਾਂ ਸਭ ਦਾ ਸਵਾਗਤ ਕੀਤਾ। ਏਅਰਲਾਈਨਜ਼ ਦੇ ਅਮਲੇ ਦਾ ਵੀ ਧੰਨਵਾਦ ਕੀਤਾ।
ਮਾਈਕ੍ਰੋਬਲਾਗਿੰਗ ਵੈੱਬਸਾਈਟ ਕੂ 'ਤੇ ਮੰਤਰੀ ਜਨਰਲ ਵੀਕੇ ਸਿੰਘ ਨੇ ਇਕ ਵੀਡੀਓ ਵੀ ਸ਼ੇਅਰ ਕੀਤਾ ਹੈ। ਜਿਸ ਵਿਚ ਉਹ ਇੱਕ ਜਹਾਜ਼ ਦੇ ਅੰਦਰ ਵਿਦਿਆਰਥੀਆਂ ਨਾਲ ਗੱਲ ਕਰਦੇ ਹੋਏ ਅਤੇ “ਵੰਦੇ ਮਾਤਰਮ” ਦਾ ਨਾਅਰਾ ਲਗਾਉਂਦੇ ਹੋਏ ਨਜ਼ਰ ਆ ਰਹੇ ਹਨ। ਜਨਰਲ ਸਿੰਘ ਉਨ੍ਹਾਂ ਚਾਰ ਕੇਂਦਰੀ ਮੰਤਰੀਆਂ ਵਿਚੋਂ ਇੱਕ ਹਨ, ਜਿਨ੍ਹਾਂ ਨੂੰ ਸਰਕਾਰ ਵੱਲੋਂ ਯੂਕਰੇਨ ਦੇ ਗੁਆਂਢੀ ਮੁਲਕਾਂ ਦੀ ਯਾਤਰਾ ਕਰਨ ਦਾ ਕੰਮ ਸੌਂਪਿਆ ਗਿਆ ਹੈ।
#WATCH | Welcome back home ! Your families are waiting with bated breath. You have shown exemplary courage...Let's thank the flight crew as well...: Union Minister Smriti Irani welcomes stranded students as they return from war-torn #Ukraine pic.twitter.com/JCGLqT7QM7
— ANI (@ANI) March 2, 2022
ਦੱਸ ਦਈਏ ਕਿ ਜਦੋਂ ਦਿੱਲੀ ਪਹੁੰਚੇ ਵਿਦਿਆਰਥੀਆਂ ਨੂੰ ਇਹ ਪੁੱਛਿਆ ਗਿਆ ਕਿ ਯੂਕਰੇਨ ਵਿਚ ਰਹਿ ਰਹੇ ਲੋਕ ਵੀ ਭਾਰਤੀ ਝੰਡਾ ਦਿਖਾ ਰਹੇ ਸਨ ਕਿਉਂਕਿ ਉਹਨਾਂ ਨੂੰ ਉਹ ਝੰਡਾ ਦੇਖ ਕੇ ਬਹੁਤ ਸਾਹਸ ਮਿਲ ਰਿਹਾ ਸੀ ਤਾਂ ਤੁਹਾਨੂੰ ਕਿੰਨਾ ਕੁ ਮਾਣ ਹੈ ਕਿ ਭਾਰਤ ਦਾ ਝੰਡਾ ਤੁਹਾਡੇ ਦੇਸ਼ ਦੇ ਝੰਡਾ ਹੈ। ਇਸ ਸਵਾਲ ਦੇ ਜਵਾਬ ਵਿਚ ਵਿਦਿਆਰਥੀ ਨੇ ਕਿਹਾ ਕਿ ਜਦੋਂ ਅਸੀਂ ਫਲਾਈਟ ਕੋਲ ਖੜ੍ਹੇ ਸੀ ਤਾਂ ਉੱਥੇ ਮੌਜੂਦ ਸੈਨਾ ਨੇ ਸਾਨੂੰ ਕਿਹਾ ਕਿ ਤੁਹਾਡੇ ਕੋਲ ਭਾਰਤ ਦਾ ਝੰਡਾ ਹੈ ਤਾਂ ਤੁਹਾਨੂੰ ਡਰਨ ਦੀ ਕੋਈ ਲੋੜ ਨਹੀਂ ਹੈ
#WATCH | "We were easily given clearance due to the Indian flag; made the flag using a curtain & colour spray...Both Indian flag & Indians were of great help to the Pakistani, Turkish students," said Indians students after their arrival in Bucharest, Romania#UkraineCrisis pic.twitter.com/vag59CcPVf
— ANI (@ANI) March 2, 2022
ਕਿਉਂਕਿ ਰੂਸ ਤੇ ਭਾਰਤ ਵਿਚ ਸਬੰਧ ਬਿਲਕੁਲ ਠੀਕ ਹਨ ਤੇ ਜਦੋਂ ਹੀ ਸਾਡੀ ਬੱਸ ਚੱਲਣ ਲੱਗੀ ਤਾਂ ਅਸੀਂ ਦੋ ਵੱਡੇ ਭਾਰਤੀ ਝੰਡੇ ਬੱਸ ਦੇ ਅੱਗੇ ਲਗਾ ਦਿੱਤੇ ਤੇ ਉਸ ਨਾਲ ਸਭ ਨੂੰ ਹੀ ਹਿੰਮਤ ਮਿਲੀ ਤੇ ਬਾਕੀਆਂ ਨੇ ਵੀ ਦੇਖਿਆ ਕਿ ਇਹ ਸਭ ਭਾਰਤੀ ਵਿਦਿਆਰਥੀ ਹਨ ਤੇ ਇਹਨਾਂ ਤੋਂ ਡਰਨ ਦੀ ਕੋਈ ਲੋੜ ਨਹੀਂ ਹੈ। ਇਕ ਬੱਚੇ ਨੇ ਕਿਹਾ ਕਿ ਉਹ ਝੰਡੇ ਉਸ ਨੇ ਖੁਦ ਝੰਡੇ ਦੇ ਰੰਗ ਦੀਆਂ ਸਪਰੇਅ ਲੈ ਕੇ ਤੇ ਇਕ ਕੱਪੜੇ 'ਤੇ ਸਪਰੇਅ ਮਾਰ ਕੇ ਖੁਦ ਬਣਾਏ ਸਨ ਤੇ ਸਾਡੀ ਉਹ ਮਿਹਨਤ ਕੰਮ ਵੀ ਆਈ।
