ਜੇਕਰ ਡਾਕਟਰਾਂ ਵੱਲੋਂ ਸਹੀ ਇਲਾਜ ਅਤੇ ਆਕਸੀਜਨ ਦਿੱਤੀ ਜਾਂਦੀ ਤਾਂ ਉਸਦੇ ਪਤੀ ਦੀ ਜਾਨ ਬੱਚ ਸਕਦੀ ਸੀ।
ਪਾਨੀਪਤ: ਦੇਸ਼ ਵਿਚ ਕੋਰੋਨਾ ਮਾਮਲਿਆਂ ਦੀ ਗਿਣਤੀ ਲਗਾਤਾਰ ਵਧਣ ਕਰਕੇ ਹਾਲਾਤ ਬੇਹੱਦ ਖ਼ਰਾਬ ਨਜ਼ਰ ਆ ਰਹੇ ਹਨ। ਇਸ ਦੌਰਾਨ ਹੁਣ ਸਿਹਤ ਸੇਵਾਵਾਂ ਦੀ ਖਸਤਾ ਹਾਲਤ ਵੀ ਬੇਨਕਾਬ ਹੁੰਦੀ ਜਾ ਰਹੀ ਹੈ। ਇਸਦੇ ਚਲਦੇ ਅੱਜ ਤਾਜਾ ਮਾਮਲਾ ਪਾਨੀਪਤ ਦੇ ਇਸਰਾਨਾ ਸਥਿਤ ਮੈਡੀਕਲ ਕਾਲਜ ਬਣੇ ਹਸਪਤਾਲ ਤੋਂ ਸਾਹਮਣੇ ਆਇਆ ਹੈ ਜਿਥੇ ਇਕ ਮਰੀਜ ਦੀ ਆਕਸੀਜਨ ਕਰਕੇ ਜਾਨ ਚਲੀ ਗਈ। ਸਰਕਾਰ ਅਤੇ ਪ੍ਰਸ਼ਾਸਨ ਦੇ ਦਾਅਵਿਆਂ ਵਿਚਾਲੇ ਆਮ ਲੋਕ ਦਮ ਤੋੜ ਰਹੇ ਹਨ।
Corona
ਦੱਸਣਯੋਗ ਹੈ ਕਿ ਕੋਵਿਡ ਹਸਪਤਾਲ ਤੋਂ ਇੱਕ ਬੇਹੱਦ ਦਰਦਨਾਕ ਤਸਵੀਰ ਸਾਹਮਣੇ ਆਈ ਹੈ ਜਿਥੇ ਇੱਕ ਪਤਨੀ ਆਪਣੇ ਪਤੀ ਦੀ ਜਾਨ ਬਚਾਉਣ ਲਈ ਕਈ ਘੰਟੇ ਆਕਸੀਜਨ ਦੀ ਨਾਲੀ ਬਿਮਾਰ ਪਤੀ ਦੇ ਨੱਕ ਨੂੰ ਲਗਾਕੇ ਬੈਠੀ ਰਹੀ ਕਿ ਉਸਦਾ ਪਤੀ ਸਾਹ ਲਏਗਾ। ਮ੍ਰਿਤਕ ਨਰਿੰਦਰ ਦੀ ਪਤਨੀ ਦਾ ਆਰੋਪ ਹੈ ਕਿ ਉਸਦੇ ਪਤੀ ਦੇ ਇਲਾਜ ਵਿੱਚ ਭਾਰੀ ਲਾਪਰਵਾਹੀ ਵਰਤੀ ਗਈ ਸੀ ਜਿਸ ਕਾਰਨ ਉਸਦੇ ਪਤੀ ਦੀ ਮੌਤ ਹੋ ਗਈ।
dead
ਇਸ ਦੇ ਨਾਲ ਹੀ ਇਹ ਇਲਜ਼ਾਮ ਵੀ ਲਾਏ ਕਿ ਡਾਕਟਰ ਉਸਦੇ ਪਤੀ ਨੂੰ ਇੱਕ ਆਕਸੀਜਨ ਮਾਸਕ ਤੱਕ ਨਹੀਂ ਦੇ ਸਕੇ। ਉਸਨੇ ਕਿਹਾ ਕਿ ਜੇਕਰ ਡਾਕਟਰਾਂ ਵੱਲੋਂ ਸਹੀ ਇਲਾਜ ਅਤੇ ਆਕਸੀਜਨ ਦਿੱਤੀ ਜਾਂਦੀ ਤਾਂ ਉਸਦੇ ਪਤੀ ਦੀ ਜਾਨ ਬੱਚ ਸਕਦੀ ਸੀ।
