ਭਾਰਤੀ ਰੇਲਵੇ ਨੇ ਨਵੇਂ ਸਾਲ ਦੀ ਪੂਰਬਲੀ ਸ਼ਾਮ ਨੂੰ ਸਾਰੇ ਦੇਸ਼ ਵਿਚ ਕਿਰਾਇਆ ਵਧਾਉਣ ਦਾ ਐਲਾਨ ਕੀਤਾ ਹੈ ਜੋ ਇਕ ਜਨਵਰੀ 2020 ਤੋਂ ਲਾਗੂ ਹੋਵੇਗਾ
ਨਵੀਂ ਦਿੱਲੀ : ਭਾਰਤੀ ਰੇਲਵੇ ਨੇ ਨਵੇਂ ਸਾਲ ਦੀ ਪੂਰਬਲੀ ਸ਼ਾਮ ਨੂੰ ਸਾਰੇ ਦੇਸ਼ ਵਿਚ ਕਿਰਾਇਆ ਵਧਾਉਣ ਦਾ ਐਲਾਨ ਕੀਤਾ ਹੈ ਜੋ ਇਕ ਜਨਵਰੀ 2020 ਤੋਂ ਲਾਗੂ ਹੋਵੇਗਾ। ਉਂਜ, ਉਪਨਗਰੀ ਰੇਲ ਗੱਡੀਆਂ ਨੂੰ ਕਿਰਾਏ ਦੇ ਵਾਧੇ ਤੋਂ ਬਾਹਰ ਰਖਿਆ ਗਿਆ ਹੈ।
Indian Railways
Ministry of Railways revises the basic passenger fare as per revised passenger fare table published by Indian Railway Conference Association (IRCA), effective from January 1, 2020. pic.twitter.com/SFlDt0bIv1
ਰੇਲਵੇ ਦੇ ਆਦੇਸ਼ ਮੁਤਾਬਕ ਸਾਧਾਰਣ ਅਤੇ ਨਾਨ-ਏਸੀ, ਗ਼ੈਰ ਉਪਨਗਰੀ ਕਿਰਾਏ ਵਿਚ ਇਕ ਪੈਸਾ ਪ੍ਰਤੀ ਕਿਲੋਮੀਟਰ ਦੇ ਹਿਸਾਬ ਨਾਲ ਵਾਧਾ ਕੀਤਾ ਗਿਆ ਹੈ। ਮੇਲ/ਐਸਸਪ੍ਰੈਸ ਨਾਨ-ਏਸੀ ਰੇਲ ਗੱਡੀਆਂ ਦੇ ਕਿਰਾਏ ਵਿਚ ਦੋ ਪੈਸੇ ਪ੍ਰਤੀ ਕਿਲੋਮੀਟਰ ਅਤੇ ਏਸੀ ਸ਼੍ਰੇਣੀ ਵਿਚ ਚਾਰ ਪੈਸੇ ਪ੍ਰਤੀ ਕਿਲੋਮੀਟਰ ਦਾ ਵਾਧਾ ਕੀਤਾ ਗਿਆ ਹੈ।
Railways
ਕਿਰਾਏ ਦੇ ਵਾਧੇ ਵਿਚ ਰਾਜਧਾਨੀ, ਸ਼ਤਾਬਦੀ ਅਤੇ ਦੁਰੰਤੋ ਜਿਹੀਆਂ ਪ੍ਰੀਮੀਅਮ ਗੱਡੀਆਂ ਵੀ ਸ਼ਾਮਲ ਹਨ। 1447 ਕਿਲੋਮੀਟਰ ਦੀ ਦੂਰੀ ਤੈਅ ਕਰਨ ਵਾਲੀ ਦਿੱਲੀ-ਕੋਲਕਾਤਾ ਰਾਜਧਾਨੀ ਟਰੇਨ ਦੇ ਕਿਰਾਏ ਵਿਚ ਚਾਰ ਪੈਸੇ ਪ੍ਰਤੀ ਕਿਲੋਮੀਟਰ ਦੇ ਹਿਸਾਬ ਨਾਲ ਲਗਭਗ 58 ਰੁਪਏ ਦਾ ਵਾਧਾ ਹੋਵੇਗਾ।
Indian Railways
ਰਾਖਵਾਂਕਰਨ ਅਤੇ ਸੁਪਰਫ਼ਾਸਟ ਕਿਰਾਏ ਵਿਚ ਕੋਈ ਬਦਲਾਅ ਨਹੀਂ ਹੋਵੇਗਾ। ਪਹਿਲਾਂ ਹੀ ਬੁਕ ਹੋ ਚੁਕੀਆਂ ਟਿਕਟਾਂ 'ਤੇ ਵੀ ਇਸ ਵਾਧੇ ਦਾ ਅਸਰ ਨਹੀਂ ਪਵੇਗਾ।
