Swing falls at Surajkund fair
ਇਸ ਤੋਂ ਪਹਿਲਾਂ ਹੀ ਮੇਲੇ 'ਚ ਇਕ ਗੇਟ ਡਿੱਗਣ ਦੀ ਘਟਨਾ 'ਚ ਇਕ ਬੱਚੇ ਸਮੇਤ ਦੋ ਲੋਕ ਜ਼ਖ਼ਮੀ ਹੋ ਗਏ ਸਨ
ਫਰੀਦਾਬਾਦ: ਸੂਰਜਕੁੰਡ ਮੇਲੇ ’ਚ ਝੂਲਾ ਡਿੱਗਣ ਦੀ ਘਟਨਾ ’ਚ ਇਕ ਡਿਊਟੀ ਉਤੇ ਤਾਇਨਾਤ ਪੁਲਿਸ ਅਧਿਕਾਰੀ ਦੀ ਮੌਤ ਹੋ ਗਈ ਅਤੇ 13 ਲੋਕ ਜ਼ਖ਼ਮੀ ਹੋ ਗਏ। ਇਸ ਤੋਂ ਪਹਿਲਾਂ ਹੀ ਮੇਲੇ ’ਚ ਇਕ ਗੇਟ ਡਿੱਗਣ ਦੀ ਘਟਨਾ ’ਚ ਇਕ ਬੱਚੇ ਸਮੇਤ ਦੋ ਲੋਕ ਜ਼ਖ਼ਮੀ ਹੋ ਗਏ ਸਨ।
ਸੂਚਨਾ ਮਿਲਦੇ ਹੀ ਜ਼ਿਲ੍ਹਾ ਡਿਪਟੀ ਕਮਿਸ਼ਨਰ ਆਯੂਸ਼ ਸਿਨਹਾ ਅਤੇ ਐਮ.ਡੀ. ਟੂਰਿਜ਼ਮ ਪਾਰਥ ਗੁਪਤਾ ਮੌਕੇ ਉਤੇ ਪਹੁੰਚ ਗਏ। ਉਨ੍ਹਾਂ ਕਿਹਾ ਕਿ ਜ਼ਖਮੀਆਂ ਦੇ ਇਲਾਜ ਲਈ ਤੁਰਤ ਪ੍ਰਬੰਧ ਕੀਤੇ ਗਏ ਹਨ। ਪੁਲਿਸ ਮੁਤਾਬਕ ਸ਼ਾਮ 6 ਵਜੇ ਦੇ ਕਰੀਬ ਝੂਲੇ ਉਤੇ ਸਵਾਰ ਕਰੀਬ 15 ਲੋਕ ਸਵਾਰ ਸਨ, ਜਦੋਂ ਇਹ ਅਚਾਨਕ ਡਿੱਗ ਗਿਆ।
ਜ਼ਖ਼ਮੀਆਂ ਦੀ ਮਦਦ ਲਈ ਤੁਰਤ ਬਚਾਅ ਕਾਰਜ ਸ਼ੁਰੂ ਕਰ ਦਿਤੇ ਗਏ। ਬਚਾਅ ਮੁਹਿੰਮ ਦੌਰਾਨ, ਇਕ ਸਟਾਲ ਆਪਰੇਟਰ ਰਾਘਵ ਨੂੰ ਵੀ ਝੂਲੇ ਦੀ ਗਰਿੱਲ ਨੇ ਟੱਕਰ ਮਾਰ ਦਿਤੀ ਗਈ, ਜਿਸ ਨਾਲ ਉਸ ਦੇ ਮੋਢੇ ਸੱਟ ਲੱਗ ਗਿਆ। ਇਸ ਤੋਂ ਪਹਿਲਾਂ ਸ਼ਾਮ ਕਰੀਬ 5 ਵਜੇ ਮੇਲੇ ਦੇ ਮੈਦਾਨ ਦਾ ਗੇਟ ਨੰਬਰ 2 ਅਚਾਨਕ ਢਹਿ ਗਿਆ ਸੀ। (ਪੀਟੀਆਈ)
