ਕਾਂਗਰਸੀ ਵਿਧਾਇਕ ਕੁਲਦੀਪ ਵਤਸ ਦੇ ਭਰਾ ਅਤੇ ਭਾਣਜੇ ਨੇ ਕੀਤਾ ਹਮਲਾ : ਸੁਰੇਹਤੀ
ਝੱਜਰ : ਹਰਿਆਣਾ ਦੇ ਝੱਜਰ ਵਿੱਚ ਪਰਸ਼ੂਰਾਮ ਭਵਨ ਦਾ ਨੀਂਹ ਪੱਥਰ ਰੱਖਣ ਲਈ ਰੱਖੇ ਗਏ ਸਮਾਰੋਹ ਦੌਰਾਨ ਇੱਕ ਵੱਡਾ ਝਗੜਾ ਅਤੇ ਕਾਫ਼ੀ ਹੰਗਾਮਾ ਹੋਇਆ । ਪ੍ਰਾਪਤ ਹੋਈ ਜਾਣਕਾਰੀ ਅਨੁਸਾਰ ਅਨੁਸਾਰ ਭਾਜਪਾ ਆਗੂ ਅਤੇ ਬ੍ਰਾਹਮਣ ਮਹਾਸਭਾ ਦੇ ਜ਼ਿਲ੍ਹਾ ਜਨਰਲ ਸਕੱਤਰ ਸੰਤ ਸੁਰੇਹਾਤੀ ਅਤੇ ਉਨ੍ਹਾਂ ਦੇ ਪੁੱਤਰ ਨਾਲ ਕੁੱਟਮਾਰ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਸੁਰੇਹਾਤੀ ਜੋ ਕਿ ਇਸ ਸਮਾਗਮ ਦੇ ਪ੍ਰਬੰਧਕ ਵੀ ਸਨ ਦਾ ਝਗੜੇ ਦੌਰਾਨ ਉਨ੍ਹਾਂ ਦਾ ਕੁੜਤਾ ਵੀ ਪਾੜ ਦਿੱਤਾ ਗਿਆ।
ਸੁਰੇਹਾਤੀ ਨੇ ਇਲਜ਼ਾਮ ਲਗਾਇਆ ਕਿ ਬਾਦਲੀ ਤੋਂ ਕਾਂਗਰਸੀ ਵਿਧਾਇਕ ਕੁਲਦੀਪ ਵਤਸ ਦੇ ਭਰਾ ਜੋ ਕਿ ਸਮਾਗਮ ਵਿੱਚ ਮੌਜੂਦ ਸਨ ਅਤੇ ਵਤਸ ਦੇ ਭਤੀਜੇ ਨਾਲ ਮਿਲ ਕੇ ਉਸ 'ਤੇ ਹਮਲਾ ਕੀਤਾ । ਸਰੀਰਕ ਹਮਲੇ ਤੋਂ ਬਾਅਦ ਗੁੱਸੇ ਵਿੱਚ ਆਏ ਸੰਤ ਸੁਰੇਹਾਤੀ ਸਟੇਜ 'ਤੇ ਚੜ੍ਹ ਗਏ । ਉਨ੍ਹਾਂ ਐਲਾਨ ਕੀਤਾ ਕਿ ਕੁਲਦੀਪ ਵਤਸ ਨੇ ਬ੍ਰਾਹਮਣ ਭਾਈਚਾਰੇ ਦਾ ਅਪਮਾਨ ਕੀਤਾ ਹੈ । ਉਨ੍ਹਾਂ ਨੇ ਗੁੰਡਿਆਂ ਨੂੰ ਇੱਕ ਧਾਰਮਿਕ ਸਮਾਗਮ ਵਿੱਚ ਸੱਦਾ ਦਿੱਤਾ। ਮੈਂ ਇਸੇ ਸਟੇਜ ਤੋਂ ਐਲਾਨ ਕਰਦਾ ਹਾਂ ਕਿ ਘਟਨਾ ਦਾ ਵਿਆਜ ਸਮੇਤ ਹਿਸਾਬ ਲਿਆ ਜਾਵੇਗਾ।
