ਐਪਲ ਅਤੇ ਸੈਮਸੰਗ 'ਚ ਪਿਛਲੇ 7 ਸਾਲਾਂ ਤੋਂ ਚੱਲ ਰਹੀ ਪੇਟੈਂਟ ਫ਼ਾਈਟ ਦਾ ਨਿਪਟਾਰਾ ਹੋ ਗਿਆ ਹੈ। ਇਸ ਲੜਾਈ ਵਿਚ ਐਪਲ ਨੇ ਸੈਮਸੰਗ 'ਤੇ ਇਲਜ਼ਾਮ ਲਗਾਇਆ ਸੀ ਕਿ ਉਸਨੇ...
ਐਪਲ ਅਤੇ ਸੈਮਸੰਗ 'ਚ ਪਿਛਲੇ 7 ਸਾਲਾਂ ਤੋਂ ਚੱਲ ਰਹੀ ਪੇਟੈਂਟ ਫ਼ਾਈਟ ਦਾ ਨਿਪਟਾਰਾ ਹੋ ਗਿਆ ਹੈ। ਇਸ ਲੜਾਈ ਵਿਚ ਐਪਲ ਨੇ ਸੈਮਸੰਗ 'ਤੇ ਇਲਜ਼ਾਮ ਲਗਾਇਆ ਸੀ ਕਿ ਉਸਨੇ iPhone ਦਾ ਡਿਜ਼ਾਈਨ ਕਾਪੀ ਕੀਤਾ ਹੈ ਅਤੇ ਇਸ ਵਜ੍ਹਾ ਨਾਲ ਸੈਮਸੰਗ ਨੂੰ ਪੇਨਲਟੀ ਦੇ ਤੌਰ 'ਤੇ ਪੈਸਿਆਂ ਦਾ ਭੁਗਤਾਨ ਕਰਨ ਨੂੰ ਕਿਹਾ ਗਿਆ ਸੀ। ਰਿਪੋਰਟ ਦੇ ਮੁਤਾਬਕ ਅੱਜ ਅਦਾਲਤ ਵਿਚ ਜੱਜ ਲੂਸੀ ਕੋਹ ਨੇ ਕਿਹਾ ਹੈ ਕਿ ਦੋਹਾਂ ਕੰਪਨੀਆਂ ਨੇ ਉਨ੍ਹਾਂ ਨੂੰ ਸੂਚਿਤ ਕੀਤਾ ਹੈ ਕਿ ਉਹ ਇਕ ਸਮਝੌਤਾ ਕਰ ਚੁਕੇ ਹਨ। ਫਿਲਹਾਲ ਨਿਪਟਾਰੇ ਦੀਆਂ ਸ਼ਰਤਾਂ ਦਾ ਖੁਲਾਸਾ ਨਹੀਂ ਕੀਤਾ ਗਿਆ ਹੈ।
Apple and Samsung
ਤੁਹਾਨੂੰ ਦੱਸ ਦਈਏ ਕਿ ਇਹ ਸੈਟਲਮੈਂਟ ਅਮਰੀਕੀ ਡਿਸਟ੍ਰਿਕਟ ਕੋਰਟ ਫ਼ਾਰ ਨਾਰਦਰਨ, ਡਿਸਟ੍ਰਿਕਟ ਆਫ਼ ਕੈਲਿਫੋਰਨਿਆ ਵਿਚ ਕੀਤੀ ਗਈ ਹੈ। ਇਹ ਪੇਟੈਂਟ ਨਾਲ ਜੁਡ਼ੀ ਲੜਾਈ ਸਾਲ 2011 'ਚ ਸ਼ੁਰੂ ਹੋਈ ਸੀ ਜਿਸ ਵਿਚ ਸ਼ੁਰੂਆਤ ਵਿਚ ਅਦਾਲਤ ਨੇ ਐਪਲ ਦੇ ਪੱਖ ਵਿਚ ਫੈਸਲਾ ਸੁਣਾਉਂਦੇ ਹੋਏ ਸੈਮਸੰਗ ਤੋਂ 1 ਬਿਲੀਅਨ ਡਾਲਰ ਦਾ ਜੁਰਮਾਨਾ ਮੰਗਿਆ ਸੀ ਪਰ ਇਹ ਮਾਮਲਾ ਇਥੇ ਖਤਮ ਨਹੀਂ ਹੋਇਆ ਸੀ। ਐਪਲ ਨੇ ਸੈਮਸੰਗ 'ਤੇ ਇਲਜ਼ਾਮ ਲਗਾਇਆ ਸੀ ਕਿ ਉਸ ਨੇ ਆਈਫੋਨ ਦੇ ਯੂਜ਼ਰ ਇੰਟਰਫੇਸ ਅਤੇ ਬੇਸਿਕ ਡਿਜ਼ਾਇਨ ਨੂੰ ਕਾਪੀ ਕੀਤਾ ਹੈ।
Apple and Samsung
ਇਸ ਤੋਂ ਇਲਾਵਾ iOS ਹੋਮ ਸਕਰੀਨ, iPhone 3G ਡਿਜ਼ਾਇਨ ਪੇਟੈਂਟ ਅਤੇ ਮੈਸੇਜਿਸ ਇੰਟਰਫੇਸ ਦੀ ਵੀ ਨਕਲ ਸੈਮਸੰਗ ਨੇ ਕੀਤੀ ਹੈ। ਰਿਪੋਰਟ ਦੇ ਮੁਤਾਬਕ ਸ਼ੁਰੂਆਤੀ ਦਿਨਾਂ ਵਿਚ ਨਾਲ ਕਮਾਉਣ ਲਈ ਸੈਮਸੰਗ ਨੇ ਐਪਲ ਦੇ ਡਿਜ਼ਾਇਨ ਨੂੰ ਕਾਪੀ ਕੀਤਾ ਸੀ। ਭੁਗਤਾਨ ਦੇ ਬਾਰੇ ਵਿਚ ਪੁੱਛਣ 'ਤੇ ਐਪਲ ਬੁਲਾਰੇ ਨੇ ਮਈ 'ਚ ਅਦਾਲਤ ਦੇ ਫੈਸਲੇ ਦੀ ਗੱਲ ਸੁਣਾਉਂਦੇ ਹੋਏ ਦੱਸਿਆ ਹੈ ਕਿ ਸੈਮਸੰਗ 539 ਮਿਲੀਇਨ ਡਾਲਰ ਦੇ ਨੁਕਸਾਨ ਦਾ ਜ਼ਿੰਮੇਦਾਰ ਹੈ ਪਰ ਸਾਫ਼ ਨਹੀਂ ਕੀਤਾ ਗਿਆ ਕਿ ਸੈਟਲਮੈਂਟ ਕਿੰਨੇ ਪੈਸਿਆਂ ਦੇ ਭੁਗਤਾਨ 'ਚ ਕੀਤੀ ਗਈ।
Apple and Samsung
ਐਪਲ ਨੇ ਫਿਲਹਾਲ ਇਸ ਕੇਸ ਨੂੰ ਸੈਟਲ ਕਰਨ ਲਈ ਜਿਨ੍ਹਾਂ ਸ਼ਰਤਾਂ ਨੂੰ ਮੰਨਿਆ ਹੈ ਉਸ ਦੇ ਬਾਰੇ ਵਿਚ ਮੀਡੀਆ ਨੂੰ ਨਹੀਂ ਦਸਿਆ ਗਿਆ ਹੈ ਪਰ ਕੰਪਨੀ ਨੇ ਇੰਨਾ ਜ਼ਰੂਰ ਕਿਹਾ ਹੈ ਕਿ ਐਪਲ ਅਪਣੀ ਡਿਵਾਇਸਿਸ ਦੇ ਡਿਜ਼ਾਇਨ ਨੂੰ ਲੈ ਕੇ ਕਾਫੀ ਗੰਭੀਰ ਹੈ। ਇਹ ਮਾਮਲਾ ਹਮੇਸ਼ਾ ਪੈਸਿਆਂ ਤੋਂ ਵੱਧ ਕਰ ਰਿਹਾ ਹੈ। ਸਾਡੀ ਟੀਮ ਗਾਹਕਾਂ ਨੂੰ ਖੁਸ਼ ਕਰਨ ਵਾਲੀ ਤਕਨੀਕੀ 'ਤੇ ਕੰਮ ਕਰਦੀ ਰਹਿੰਦੀ ਹੈ। ਐਪਲ ਨੇ ਆਈਫੋਨ ਦੇ ਨਾਲ ਸਮਾਰਟਫੋਨਾਂ ਵਿਚ ਕ੍ਰਾਂਤੀ ਲਿਆਈ ਪਰ ਸੈਮਸੰਗ ਨੇ ਸਾਡੇ ਡਿਜ਼ਾਇਨ ਦੀ ਨਕਲ ਕੀਤੀ। ਇਸ ਮਾਮਲੇ ਵਿਚ ਸੈਮਸੰਗ ਦੇ ਵਲੋਂ ਹੁਣੇ ਤੱਕ ਕੋਈ ਬਿਆਨ ਸਾਹਮਣੇ ਨਹੀਂ ਆਇਆ ਹੈ। (ਏਜੰਸੀ)
