'ਇਕ ਦੇਸ਼ ਇਕ ਕਰ' ਦੀ ਤਰਜ਼ 'ਤੇ ਇਕ ਜੁਲਾਈ 2017 ਤੋਂ ਲਾਗੂ ਮਾਲ ਅਤੇ ਸੇਵਾ ਕਰ (ਜੀਐਸਟੀ) ਤੋਂ ਸਰਕਾਰ ਨੇ 2017-18 ਦੌਰਾਨ 7.41 ਲੱਖ ਕਰੋੜ ਰੁਪਏ ਇਕੱਠੇ ਕੀਤੇ ਹਨ...
ਨਵੀਂ ਦਿੱਲੀ, 27 ਅਪ੍ਰੈਲ : 'ਇਕ ਦੇਸ਼ ਇਕ ਕਰ' ਦੀ ਤਰਜ਼ 'ਤੇ ਇਕ ਜੁਲਾਈ 2017 ਤੋਂ ਲਾਗੂ ਮਾਲ ਅਤੇ ਸੇਵਾ ਕਰ (ਜੀਐਸਟੀ) ਤੋਂ ਸਰਕਾਰ ਨੇ 2017-18 ਦੌਰਾਨ 7.41 ਲੱਖ ਕਰੋੜ ਰੁਪਏ ਇਕੱਠੇ ਕੀਤੇ ਹਨ। ਵਿੱਤ ਮੰਤਰਾਲਾ ਨੇ ਇਸ ਦੀ ਜਾਣਕਾਰੀ ਦਿਤੀ।
GST
ਜ਼ਿਕਰਯੋਗ ਹੈ ਕਿ ਕੇਂਦਰ ਅਤੇ ਸੂਬਿਆਂ ਦੇ ਅਨੁਪਾਤ ਐਕਸਾਈਜ਼ ਡਿਊਟੀ ਅਤੇ ਵੈਟ ਸਮੇਤ ਬਹੁਤ ਸਾਰੇ ਟੈਕਸਾਂ ਨੂੰ ਜੀਐਸਟੀ 'ਚ ਸ਼ਾਮਲ ਕੀਤਾ ਗਿਆ ਹੈ। ਵਿੱਤ ਮੰਤਰਾਲਾ ਨੇ ਟਵੀਟ 'ਚ ਕਿਹਾ ਕਿ ਜੀਐਸਟੀ ਤੋਂ 2017-18 ਦੀ ਅਗਸਤ - ਮਾਰਚ ਮਿਆਦ 'ਚ ਕੁਲ ਕਰ ਸੰਗ੍ਰਹਿ 7.19 ਲੱਖ ਕਰੋੜ ਰੁਪਏ ਰਿਹਾ।
GST
ਜੁਲਾਈ 2017 ਦੇ ਕਰ ਸੰਗ੍ਰਿਹ ਨੂੰ ਸ਼ਾਮਲ ਕਰਨ 'ਤੇ 2017-18 'ਚ ਕੁਲ ਜੀਐਸਟੀ ਸੰਗ੍ਰਿਹ ਅਸਥਾਈ ਤੌਰ 'ਤੇ 7.41 ਲੱਖ ਕਰੋੜ ਰੁਪਏ ਰਿਹਾ। ਇਸ 'ਚ ਕੇਂਦਰੀ ਜੀਐਸਟੀ ( ਸੀਜੀਐਸਟੀ) ਤੋਂ ਪ੍ਰਾਪਤ 1.19 ਲੱਖ ਕਰੋੜ ਰੁਪਏ, ਰਾਜ ਜੀਐਸਟੀ (ਐਸਜੀਐਸਟੀ) ਤੋਂ ਮਿਲੇ 1.72 ਲੱਖ ਕਰੋੜ ਰੁਪਏ, ਏਕੀਕ੍ਰਿਤ ਜੀਏਸਟੀ (ਆਈਜੀਐਸਟੀ) ਦੇ 3.66 ਲੱਖ ਕਰੋੜ ਰੁਪਏ (ਜਿਸ 'ਚ ਆਯਾਤ ਤੋਂ 1.73 ਲੱਖ ਕਰੋੜ ਰੁਪਏ ਵੀ ਸ਼ਾਮਲ) ਅਤੇ ਉਪ ਕਰ ਤੋਂ ਮਿਲੇ 62,021 ਕਰੋੜ ਰੁਪਏ (ਜਿਸ 'ਚ ਆਯਾਤ 'ਤੇ ਉਪ ਕਰ ਦੇ 5,702 ਕਰੋੜ ਰੁਪਏ) ਸ਼ਾਮਲ ਹਨ। ਅਗੱਸਤ - ਮਾਰਚ ਮਿਆਦ ਦੌਰਾਨ ਔਸਤ ਮਾਸਿਕ ਜੀਐਸਟੀ ਸੰਗ੍ਰਹਿ 89,885 ਕਰੋੜ ਰੁਪਏ ਰਿਹਾ।
Arun Jaitley
2017-18 ਦੇ ਅੱਠ ਮਹੀਨਿਆਂ ਵਿਚ ਸੂਬਿਆਂ ਨੂੰ ਕੁੱਲ 41,147 ਕਰੋੜ ਰੁਪਏ ਮੁਆਵਜ਼ੇ ਦੇ ਰੂਪ 'ਚ ਦਿਤੇ ਗਏ ਹਨ। ਜੀਐਸਟੀ ਕਾਨੂੰਨ ਤਹਿਤ ਇਸ ਨਵੀਂ ਕਰ ਵਿਵਸਥਾ ਕਾਰਨ ਪੰਜ ਸਾਲ ਤਕ ਸੂਬਿਆਂ ਦੇ ਮਾਮਲੇ 'ਚ ਗਿਰਾਵਟ ਦੀ ਭਰਪਾਈ ਕੇਂਦਰ ਕਰੇਗੀ।
finance department of India
ਮਾਮਲਾ ਨੁਕਸਾਨ ਦੀ ਗਿਣਤੀ ਲਈ 2015-16 ਦੀ ਕਰ ਕਮਾਈ ਨੂੰ ਆਧਾਰ ਬਣਾਉਂਦੇ ਹੋਏ ਉਸ 'ਚ ਸਾਲਾਨਾ ਔਸਤ 14 ਫ਼ੀ ਸਦੀ ਵਾਧੇ ਨੂੰ ਇਕੋ ਜਿਹਾ ਸੰਗ੍ਰਹਿ ਮੰਨਿਆ ਗਿਆ ਹੈ। ਮੰਤਰਾਲੇ ਮੁਤਾਬਕ ਪਿਛਲੇ ਅੱਠ ਮਹੀਨੇ 'ਚ ਹਰ ਇਕ ਸੂਬੇ ਮਾਮਲੇ 'ਚ ਘੱਟ ਹੋਈ ਹੈ ਅਤੇ ਇਹ ਔਸਤਨ 17 ਫ਼ੀ ਸਦੀ ਰਹੀ ਹੈ।
