Silver and gold rebound again, up 3 percent in Delhi
ਚਾਂਦੀ ਦੀ ਕੀਮਤ 8,000 ਰੁਪਏ ਵਧ ਕੇ ਹੋਈ 2,72,000 ਰੁਪਏ ਪ੍ਰਤੀ ਕਿਲੋਗ੍ਰਾਮ
ਨਵੀਂ ਦਿੱਲੀ: ਅਮਰੀਕੀ ਸੁਪਰੀਮ ਕੋਰਟ ਦੇ ਟਰੰਪ ਦੇ ਟੈਰਿਫ ਵਿਰੁਧ ਫੈਸਲੇ ਤੋਂ ਬਾਅਦ ਵਧਦੀ ਆਲਮੀ ਵਪਾਰ ਅਨਿਸ਼ਚਿਤਤਾ ਦਰਮਿਆਨ ਮਜ਼ਬੂਤ ਸੁਰੱਖਿਅਤ ਪਨਾਹਗਾਹ ਦੀ ਮੰਗ ਕਾਰਨ ਸੋਮਵਾਰ ਨੂੰ ਕੌਮੀ ਰਾਜਧਾਨੀ ’ਚ ਕੀਮਤੀ ਧਾਤਾਂ ਦੀਆਂ ਕੀਮਤਾਂ ’ਚ 3 ਫੀ ਸਦੀ ਦਾ ਵਾਧਾ ਹੋਇਆ। ਚਾਂਦੀ 2.7 ਲੱਖ ਰੁਪਏ ਪ੍ਰਤੀ ਕਿਲੋਗ੍ਰਾਮ ਅਤੇ ਸੋਨਾ 1.6 ਲੱਖ ਰੁਪਏ ਪ੍ਰਤੀ 10 ਗ੍ਰਾਮ ਉਤੇ ਪਹੁੰਚ ਗਿਆ।
ਆਲ ਇੰਡੀਆ ਸਰਾਫਾ ਐਸੋਸੀਏਸ਼ਨ ਮੁਤਾਬਕ ਚਾਂਦੀ ਦੀ ਕੀਮਤ ਅੱਜ 8,000 ਰੁਪਏ ਜਾਂ 3.03 ਫੀ ਸਦੀ ਵਧ ਕੇ 2,72,000 ਰੁਪਏ ਪ੍ਰਤੀ ਕਿਲੋਗ੍ਰਾਮ ਉਤੇ ਪਹੁੰਚ ਗਈ। ਜਦਕਿ 99.9 ਫੀ ਸਦੀ ਸ਼ੁੱਧਤਾ ਵਾਲਾ ਸੋਨਾ ਵੀ 3,300 ਰੁਪਏ ਜਾਂ 2.06 ਫੀ ਸਦੀ ਵਧ ਕੇ 1,62,800 ਰੁਪਏ ਪ੍ਰਤੀ 10 ਗ੍ਰਾਮ ਉਤੇ ਪਹੁੰਚ ਗਿਆ। ਦੋਵੇਂ ਧਾਤਾਂ ਤਿੰਨ ਹਫ਼ਤਿਆਂ ਦੇ ਉੱਚੇ ਪੱਧਰ ਉਤੇ ਵਪਾਰ ਕਰ ਰਹੀਆਂ ਹਨ, ਜਿਸ ਨੂੰ ਨਵੇਂ ਸੁਰੱਖਿਅਤ-ਪਨਾਹਗਾਹ ਦੀ ਮੰਗ ਦਾ ਸਮਰਥਨ ਮਿਲਿਆ।
