‘ਅਜੀਬ ਹੈ ਯੈੱਸ ਬੈਂਕ ਨੂੰ ਉਭਾਰਨ ਦੀ ਯੋਜਨਾ’
ਨਵੀਂ ਦਿੱਲੀ: ਯੈੱਸ ਬੈਂਕ ਦੇ ਮਾਮਲੇ ਨੂੰ ਲੈ ਕੇ ਸਾਬਕਾ ਵਿੱਤ ਮੰਤਰੀ ਅਤੇ ਸੀਨੀਅਰ ਕਾਂਗਰਸ ਲੀਡਰ ਪੀ.ਚਿਦੰਬਰਮ ਨੇ ਸਰਕਾਰ ਅਤੇ ਭਾਜਪਾ ‘ਤੇ ਹਮਲਾ ਕੀਤਾ ਹੈ। ਚਿਦੰਬਰਮ ਨੇ ਬੀਤੇ ਦਿਨ ਇਕ ਪ੍ਰੈੱਸ ਕਾਨਫਰੰਸ ਵਿਚ ਕਿਹਾ ਕਿ ਆਰਬੀਆਈ ਦੀ ਨਿਗਰਾਨੀ ਦੇ ਬਾਵਜੂਦ ਯੈੱਸ ਬੈਂਕ ਕਰਜ਼ਾ ਦਿੰਦਾ ਰਿਹਾ। ਉਸ ਦਾ ਬੈਡ ਲੋਨ ਵਧਦਾ ਗਿਆ।
Photo
ਉਹਨਾਂ ਨੇ ਕਿਹਾ ਕਿ ਐਸਬੀਆਈ ਨੇ ਸਰਕਾਰ ਨੂੰ ਯੈੱਸ ਬੈਂਕ ਲਈ ਜੋ ਰੈਸਕਿਊ ਪਲਾਨ ਦੱਸਿਆ ਹੈ ਉਹ ਅਜੀਬ ਹੈ। ਇਸ ਤੋਂ ਪਹਿਲਾਂ ਸ਼ਨੀਵਾਰ ਨੂੰ ਐਸਬੀਆਈ ਚੇਅਰਮੈਨ ਰਜਨੀਸ਼ ਕੁਮਾਰ ਨੇ ਕਿਹਾ ਬੈਂਕ ਨੂੰ ਯੈੱਸ ਬੈਂਕ ਦੇ ਪੁਨਰਗਠਨ ਲਈ ਡਰਾਫਟ ਸਕੀਮ ਮਿਲ ਗਈ ਹੈ। ਆਰਬੀਆਈ ਨੇ ਯੈੱਸ ਬੈਂਕ ਦੀ ਪੁਨਰਗਠਨ ਯੋਜਨਾ ਸਬੰਧੀ ਕਿਹਾ ਹੈ ਕਿ ਐਸਬੀਆਈ ਨੇ ਬੈਂਕ ਵਿਚ ਨਿਵੇਸ਼ ਕਰਨ ਦੀ ਇੱਛਾ ਜਤਾਈ ਹੈ। ਉਹ ਇਸ ਸਕੀਮ ਦਾ ਹਿੱਸਾ ਬਣਨਾ ਚਾਹੁੰਦਾ ਹੈ।
Photo
ਇਸ ਤੋਂ ਪਹਿਲਾਂ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਯੈੱਸ ਬੈਂਕ ਸੰਕਟ ‘ਤੇ ਗ੍ਰਾਹਕਾਂ ਨੂੰ ਭਰੋਸਾ ਦਿਵਾਇਆ ਸੀ ਕਿ ਉਹਨਾਂ ਦਾ ਪੈਸਾ ਪੂਰੀ ਤਰ੍ਹਾਂ ਸੁਰੱਖਿਅਤ ਹੈ। ਉਹਨਾਂ ਕਿਹਾ ਸੀ ਕਿ ਸਰਕਾਰ ਨੂੰ ਇਸ ਸੰਕਟ ਬਾਰੇ ਪਹਿਲਾਂ ਤੋਂ ਜਾਣਕਾਰੀ ਸੀ। ਬੈਂਕ ਦੀ ਗਵਰਨੈਂਸ ਖਰਾਬ ਸੀ ਅਤੇ ਇਹ 2017 ਤੋਂ ਹੀ ਹੋ ਰਿਹਾ ਸੀ।
Photo
ਇਸ ਦੇ ਨਾਲ ਹੀ ਉਹਨਾਂ ਕਿਹਾ ਕਿ ਬੈਂਕ ਦੇ ਕਰਮਚਾਰੀਆਂ ਦੀ ਇਕ ਸਾਲ ਦੀ ਤਨਖ਼ਾਹ ਪੱਕੀ ਹੈ। ਉਹਨਾਂ ਕਿਹਾ ਕਿ ਜਾਂਚ ਏਜੰਸੀਆਂ ਨੇ ਇਹ ਗੌਰ ਕੀਤਾ ਹੈ ਕਿ ਚੇਅਰਮੈਨ ਪੱਧਰ ਦੇ ਲੋਕਾਂ ਨੇ ਨਿਯਮਾਂ ਦੀ ਅਣਦੇਖੀ ਕੀਤੀ ਹੈ।
