Reserve Bank of India
ਭਾਰਤੀ ਰਿਜ਼ਰਵ ਬੈਂਕ (RBI) ਜਲਦ ਹੀ 20 ਰੁਪਏ ਦਾ ਸਿੱਕਾ ਜਾਰੀ ਕਰਨ ਜਾ ਰਿਹਾ ਹੈ। ਇਸ ਸਿੱਕੇ ‘ਤੇ ਅਨਾਜ ਬਣਿਆ ਹੋਵੇਗਾ
ਨਵੀਂ ਦਿੱਲੀ: ਭਾਰਤੀ ਰਿਜ਼ਰਵ ਬੈਂਕ (RBI) ਜਲਦ ਹੀ 20 ਰੁਪਏ ਦਾ ਸਿੱਕਾ ਜਾਰੀ ਕਰਨ ਜਾ ਰਿਹਾ ਹੈ। ਇਸ ਸਿੱਕੇ ‘ਤੇ ਅਨਾਜ ਬਣਿਆ ਹੋਵੇਗਾ। 20 ਰੁਪਏ ਦਾ ਇਹ ਸਿੱਕਾ ਹੋਰ ਸਿੱਕਿਆਂ ਦੀ ਤਰ੍ਹਾਂ ਗੋਲਾਕਾਰ ਨਹੀਂ ਹੋਵੇਗਾ। 20 ਰੁਪਏ ਦੇ ਸਿੱਕੇ ਦਾ ਵਜਨ 8.54 ਗ੍ਰਾਮ ਹੋਵੇਗਾ। ਉਸਦਾ ਬਾਹਰੀ ਰਿੰਗ ਨਿਕੇਲ ਅਤੇ ਸਿਲਵਰ ਦਾ ਬਣਿਆ ਹੋਵੇਗਾ।
ਇਹ ਜਾਣਕਾਰੀ ਵਿੱਤ ਮੰਤਰੀ ਦੇ ਨੋਟੀਫਿਕੇਸ਼ਨ ਵਿਚ ਦਿੱਤੀ ਗਈ ਹੈ। ਸਿੱਕੇ ਦੇ ਇਕ ਪਾਸੇ ਅਸ਼ੋਕ ਸਤੰਭ ਦਾ ਸ਼ੇਰ ਅਤੇ ਸਤਯਮੇਵ ਜਯਤੇ ਲਿਖਿਆ ਹੋਵੇਗਾ। ਸਿੱਕੇ ‘ਤੇ ਹਿੰਦੀ ਵਿਚ ਭਾਰਤ ਲਿਖਿਆ ਹੋਵੇਗਾ।
20 ਰੁਪਏ ਦੇ ਸਿੱਕੇ ਦੇ 12 ਸਿਰੇ ਹੋਣਗੇ। ਹਾਲਾਂਕਿ ਹਾਲੇ ਸਰਕਾਰ ਨੇ ਇਸ ਸਿੱਕੇ ਦਾ ਡਿਜ਼ਇਨ ਜਾਰੀ ਨਹੀਂ ਕੀਤਾ ਹੈ। ਮਾਰਚ 2009 ਵਿਚ ਆਰਬੀਆਈ ਨੇ 10 ਰੁਪਏ ਦਾ ਪਹਿਲਾ ਸਿੱਕਾ ਜਾਰੀ ਕੀਤਾ ਸੀ। ਇਸ ਤੋਂ ਬਾਅਦ ਕਿਸੇ ਹੋਰ ਕਰੰਸੀ ਦਾ ਸਿੱਕਾ ਜਾਰੀ ਨਹੀਂ ਕੀਤਾ ਗਿਆ।
