ਖਾਣੇ ਦੇ ਸੁਆਦ ਨੂੰ ਹੋਰ ਵਧੀਆ ਬਣਾ ਦੇਣ ਵਾਲੀ ਇਲਾਇਚੀ ਇਨਸਾਨਾਂ ਦੇ ਮੂਡ ਨੂੰ ਤਾਂ ਚੰਗਾ ਕਰਦੀ ਹੀ ਹੈ
ਖਾਣੇ ਦੇ ਸੁਆਦ ਨੂੰ ਹੋਰ ਵਧੀਆ ਬਣਾ ਦੇਣ ਵਾਲੀ ਇਲਾਇਚੀ ਇਨਸਾਨਾਂ ਦੇ ਮੂਡ ਨੂੰ ਤਾਂ ਚੰਗਾ ਕਰਦੀ ਹੀ ਹੈ ਇਸ ਦੇ ਨਾਲ ਹੀ ਇਹ ਸਰੀਰ ਨੂੰ ਕਈ ਤਰ੍ਹਾਂ ਦੇ ਲਾਭ ਵੀ ਦਿੰਦੀ ਹੈ। ਇਕ ਖੋਜ 'ਚ ਪਤਾ ਚਲਿਆ ਹੈ ਕਿ ਇਹ ਛੋਟੀ ਹੀ ਚੀਜ਼ ਵਜ਼ਨ ਘਟਾਉਣ 'ਚ ਮਦਦਗਾਰ ਹੈ। ਹਰੀ ਇਲਾਇਚੀ ਢਿੱਡ ਦੇ ਨੇੜੇ ਪੱਕੀ ਚਰਬੀ ਨੂੰ ਜੰਮਣ ਨਹੀਂ ਦਿੰਦੀ ਹੈ। ਸਾਡੇ ਸਰੀਰ ਦਾ ਕੋਲੇਸਟ੍ਰੋਲ ਦਾ ਪੱਧਰ ਵੀ ਕੰਟਰੋਲ ਕਰਦੀ ਹੈ।
Cardamom water
ਇਸ ਤੋਂ ਇਲਾਵਾ ਹਰੀ ਇਲਾਇਚੀ ਜ਼ਿੱਦੀ ਚਰਬੀ ਨੂੰ ਘਟਾਉਂਦੀ ਹੈ ਜਦਕਿ ਦਿਲ ਨਾਲ ਜੁੜੀਆਂ ਬੀਮਾਰੀਆਂ ਦੀ ਜੜ੍ਹਾਂ ’ਤੇ ਵੀ ਕੰਮ ਕਰਦੀ ਹੈ। ਆਯੁਰਵੇਦ ਮੁਤਾਬਕ ਹਰੀ ਇਲਾਇਚੀ ਸਰੀਰ ਚ ਮੌਜੂਦ ਜ਼ਹਿਰੀਲੇ ਪਦਾਰਥਾਂ ਨੂੰ ਬਾਹਰ ਕੱਢਦੀ ਹੈ। ਇਲਾਇਚੀ ਦੀ ਚਾਹ ਬੇਹਦ ਲਾਭਦਾਇਕ ਹੈ।ਪਾਚਨ ਕਿਰਿਆ ਨੂੰ ਵੀ ਦੁਰੁੱਸਤ ਰੱਖਣ ਚ ਮਦਦ ਕਰਦੀ ਹੈ ਇਲਾਇਚੀ।
cardamom
ਇਲਾਇਚੀ ਖਾਣ ਨਾਲ ਢਿੱਡ ਫੁੱਲਣ ਦੀ ਮੁ਼ਸ਼ਕਲ ਤੋਂ ਵੀ ਨਿਜਾਤ ਦੁਆਉਂਦੀ ਹੈ। ਸਰੀਰ ਚ ਮੂਤਰ ਵਜੋਂ ਪਾਣੀ ਨੂੰ ਜਮ੍ਹਾਂ ਹੋਣ ਤੋਂ ਰੋਕਦੀ ਹੈ। ਗੁਰਦਿਆਂ ਦੇ ਕੰਮ ਕਰਨ ਦੀ ਪ੍ਰਣਾਲੀ ਨੂੰ ਤੰਦਰੁਸਤ ਬਣਾ ਕੇ ਰੱਖਦੀ ਹੈ।ਵਸਾ ਘਟਾਉਣ ਦੇ ਗੁਣਾਂ ਦੇ ਕਾਰਨ ਇਲਾਇਚੀ ਸਰੀਰ ਚ ਖਰਾਬ ਕੋਲੇਸਟ੍ਰੋਲ ਨੂੰ ਘਟਾਉਣ ਦਾ ਕੰਮ ਕਰਦੀ ਹੈ ਜਦਕਿ ਐਲਡੀਐ ਕੋਲੇਸਟ੍ਰੋਲ ਅਤੇ ਟ੍ਰਾਈਗਿਲਾਸਰਾਇਡਸ ਨੂੰ ਵੀ ਘਟਾਉਣ ਚ ਮਦਦ ਕਰਦੀ ਹੈ।
