Health News: ਆਂਡੇ ’ਚ ਮੌਜੂਦ ਪ੍ਰੋਟੀਨ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਕਾਬੂ ਰਖਦਾ ਹੈ
Health News: ਜੇਕਰ ਵਿਅਕਤੀ ਰੋਜ਼ਾਨਾ ਸਵੇਰੇ ਨਾਸ਼ਤੇ ’ਚ ਆਂਡਿਆਂ ਦਾ ਸੇਵਨ ਕਰਦਾ ਹੈ ਤਾਂ ਉਹ ਦਿਨ ਭਰ ਤਣਾਅਮੁਕਤ ਰਹੇਗਾ। ਖੋਜਕਰਤਾਵਾਂ ਅਨੁਸਾਰ ਆਂਡਿਆਂ ’ਚ ਵਿਟਾਮਿਨ ਬੀ-6 ਅਤੇ ਮੈਗਨੀਸ਼ੀਅਮ ਮਿਲਦਾ ਹੈ। ਵਿਟਾਮਿਨ ਬੀ-6 ਸਰੀਰ ’ਚ ਸੇਰੋਟੋਨਿਨ ਨਾਮਕ ਹਾਰਮੋਨ ਦੀ ਮਾਤਰਾ ਨੂੰ ਵਧਾਉਂਦਾ ਹੈ, ਜੋ ਵਿਅਕਤੀ ਨੂੰ ਖ਼ੁਸ਼ੀ ਦਾ ਅਹਿਸਾਸ ਦਿਵਾਉਂਦਾ ਹੈ।
ਆਂਡੇ ’ਚ ਮੌਜੂਦ ਪ੍ਰੋਟੀਨ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਕਾਬੂ ਰਖਦਾ ਹੈ। ਜਿਵੇਂ ਕਿ ਸਾਰੇ ਜਾਣਦੇ ਹਨ ਕਿ ਸ਼ੂਗਰ ਲੈਵਲ ਵਧਣ ਨਾਲ ਵਿਅਕਤੀ ’ਚ ਤਣਾਅ ਦਾ ਪੱਧਰ ਵੱਧ ਜਾਂਦਾ ਹੈ। ਇਸ ਦਿ੍ਰਸ਼ਟੀ ’ਚ ਵੀ ਆਂਡਿਆਂ ਦਾ ਸੇਵਨ ਫ਼ਾਇਦੇਮੰਦ ਸਾਬਤ ਹੁੰਦਾ ਹੈ। ਮੈਗਨੀਸ਼ੀਅਮ ਵਿਅਕਤੀ ਦੀ ਕਾਰਜ-ਸਮਰੱਥਾ ਨੂੰ ਵਧਾ ਕੇ ਉਸ ਦੇ ਸਰੀਰ ਅਤੇ ਦਿਮਾਗ਼ ਨੂੰ ਤਣਾਅ ਪੂਰਵਕ ਸਥਿਤੀਆਂ ਨਾਲ ਲੜਨ ਦੀ ਤਾਕਤ ਦਿੰਦਾ ਹੈ।
ਆਂਡਿਆਂ ਦੇ ਪੀਲੇ ਹਿੱਸੇ ’ਚ ਕੋਲੀਨ ਅਤੇ ਜ਼ਿੰਕ ਜਿਹੇ ਪੋਸ਼ਕ ਤੱਤ ਮਿਲਦੇ ਹਨ, ਜੋ ਤਣਾਅ, ਬੇਚੈਨੀ ਅਤੇ ਚਿੜਚਿੜਾਪਨ ਦੂਰ ਕਰਨ ’ਚ ਸਹਾਇਕ ਹੁੰਦੇ ਹਨ। ਆਂਡਿਆਂ ’ਚ ਮਿਲਣ ਵਾਲਾ ਵਿਟਾਮਿਨ ਬੀ-6 ਤਣਾਅ ਨੂੰ ਦੂਰ ਕਰਨ ’ਚ ਸਹਾਈ ਹੁੰਦਾ ਹੈ। ਇਸ ਲਈ ਸਵੇਰ ਦੇ ਨਾਸ਼ਤੇ ’ਚ ਆਂਡਿਆਂ ਦਾ ਸੇਵਨ ਕਰਨਾ ਫ਼ਾਇਦੇਮੰਦ ਹੁੰਦਾ ਹੈ। ਜੇਕਰ ਕਿਸੇ ਦਾ ਕੈਲੇਸਟਰੋਲ ਲੈਵਲ ਵੱਧ ਹੈ ਤਾਂ ਉਸ ਲਈ ਆਂਡਿਆਂ ਦੀ ਜ਼ਰਦੀ ਨੁਕਸਾਨਦੇਹ ਹੁੰਦੀ ਹੈ, ਅਜਿਹੇ ਲੋਕਾਂ ਨੂੰ ਸਿਰਫ਼ ਸਫੈਦ ਹਿੱਸੇ ਦਾ ਹੀ ਸੇਵਨ ਕਰਨਾ ਚਾਹੀਦਾ ਹੈ।
