ਅਸੰਧ, 28 ਅਗੱਸਤ (ਰਾਮਗੜ੍ਹੀਆ): ਰੋਹਤਕ 'ਚ ਡੇਰਾ ਸੱਚਾ ਸੌਦਾ ਦੇ ਪ੍ਰਮੁੱਖ ਗੁਰਮੀਤ ਰਾਮ ਰਹੀਮ ਨੂੰ ਸੀਬੀਆਈ ਦੀ ਵਿਸ਼ੇਸ਼ ਅਦਾਲਤ 'ਚ ਸਜ਼ਾ ਦਿਤੇ ਜਾਣ ਬਾਅਦ ਜਿਥੇ ਪੂਰੇ ਰਾਜ 'ਚ ਹਾਈ ਅਲੱਰਟ ਐਲਾਨੇ ਜਾਣ ਨਾਲ ਸ਼ਹਿਰ 'ਚ ਵੀ ਇਸਦਾ ਅਸਰ ਦਿਖਾਈ ਦਿਤਾ ਅਤੇ ਸਮਾਚਾਰ ਲਿਖੇ ਜਾਣ ਤੱਕ ਵਾਹਨਾਂ ਦੀ ਆਵਾਜਾਈ ਵੀ ਸਮਾਨ ਦਿਖੀ।
   ਪਰ ਪੁਲਿਸ ਨੇ ਕਿਸੇ ਵੀ ਅਣਸੁਖਾਵੀਂ ਘਟਨਾ ਤੋਂ ਨਿਪਟਣ ਲਈ ਪੁਲਿਸ ਮੁੱਖ ਸਥਾਨਾਂ 'ਤੇ ਮੁਸਤੈਦ ਰਹੀ। ਪੁਲਿਸ ਨੇ ਲਗਾਤਾਰ ਸਥਿਤੀ ਨੂੰ ਕਾਬੂ 'ਚ ਰੱਖਣ ਲਈ ਜਗ੍ਹਾ ਜਗ੍ਹਾ ਨਾਕੇ ਲਗਾਏ। ਐਸਡੀਐਮ ਅਨੁਰਾਗ ਡਾਲੀਆ, ਡੀਐਸਪੀ ਦਲਬੀਰ ਸਿੰਘ, ਥਾਣਾ ਪ੍ਰਭਾਰੀ ਸੰਜੀਵ ਗੌੜ ਅਤੇ ਹੋਰ ਅਧਿਕਾਰੀਆਂ ਨੇ ਨਗਰ 'ਚ ਫ਼ਲੈਗ ਮਾਰਚ ਕੀਤਾ।