ਡੇਰਾ ਸੱਚਾ ਸੌਦਾ ਦੇ ਪ੍ਰਮੁੱਖ ਰਾਮ ਰਹੀਮ ਦਾ ਇੱਕ ਹੋਰ ਭਰੋਸੇਯੋਗ ਬਾਡੀਗਾਰਡ ਓਮ ਬੁਡਾਨਿਆ ਪੁਲਿਸ ਦੀ ਹਿਰਾਸਤ ਵਿੱਚ ਆ ਗਿਆ ਹੈ। ਇਹ ਭਰੋਸੇਯੋਗ ਰਾਜਸਥਾਨ ਪੁਲਿਸ ਦਾ ਹੀ ਕਰਮਚਾਰੀ ਹੈ। ਜਿਸਨੂੰ ਰਾਮ ਰਹੀਮ ਦੀ ਸੁਰੱਖਿਆ ਵਿੱਚ ਲਗਾਇਆ ਗਿਆ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਤੋਂ ਹੋਣ ਵਾਲੀ ਪੁੱਛਗਿਛ ਵਿੱਚ ਪੰਚਕੂਲਾ ਵਿੱਚ ਹੋਏ ਬਵਾਲ ਨਾਲ ਜੁੜੇ ਕਈ ਰਾਜ ਵੀ ਖੁੱਲ ਸਕਦੇ ਹਨ।
ਕ੍ਰਾਈਮ ਬ੍ਰਾਂਚ ਨੂੰ ਓਮ ਬੁਡਾਨਿਆ ਤੋਂ ਹਨੀਪ੍ਰੀਤ ਦੇ ਬਾਰੇ 'ਚ ਅਹਿਮ ਜਾਣਕਾਰੀਆਂ ਮਿਲਣ ਦੀ ਉਮੀਦ ਹੈ। ਰਾਮ ਰਹੀਮ ਮਾਮਲੇ ਦੀ ਜਾਂਚ ਕਰ ਰਹੀ ਕ੍ਰਾਈਮ ਬ੍ਰਾਂਚ ਪੁਲਸ ਨੇ ਬੁਡਾਨਿਆ ਨੇ ਪੁੱਛਗਿੱਛ ਦੇ ਲਈ ਇਕ ਦਿਨ ਪਹਿਲਾਂ ਹਨੂੰਮਾਨਗੜ੍ਹ ਪੁਲਸ ਸੁਪਰਡੈਂਟ ਨੂੰ ਈਮੇਲ ਕਰਕੇ ਪੰਚਕੂਲਾ ਬੁਲਾਇਆ ਸੀ। ਓਮ ਬੁਡਾਨਿਆ ਰਾਮ ਰਹੀਮ ਦਾ ਬਹੁਤ ਹੀ ਨਜ਼ਦੀਕੀ ਸੀ।
ਕਈ ਸਾਲਾਂ ਤੋਂ ਰਾਜਸਥਾਨ ਪੁਲਸ ਵਲੋਂ ਤਾਇਨਾਤ ਰਾਮ ਰਹੀਮ ਦੇ ਬਾਡੀਗਾਰਡ ਸੀ ਜੋ ਕਿ ਡਿਊਟੀ ਕਰਦੇ-ਕਰਦੇ ਰਾਮ ਰਹੀਮ ਦਾ ਭਗਤ ਬਣ ਗਿਆ। ਰਾਮ ਰਹੀਮ ਨੂੰ ਸਜ਼ਾ ਸੁਣਾਉਣ ਦੇ ਬਾਅਦ ਤੋਂ ਹੀ ਹਨੂੰਮਾਨਗੜ੍ਹ ਪੁਲਿਸ ਲਾਈਨ 'ਚ ਤਾਇਨਾਤ ਸੀ। ਹਰਿਆਣਾ ਦੇ ਸਿਰਸਾ 'ਚ ਡੇਰਾ ਸੱਚਾ ਸੌਦਾ ਦੇ ਮੁੱਖ ਦਫਤਰ ਦੇ ਕੰਪਲੈਕਸ 'ਚ 3 ਦਿਨਾਂ ਤੋਂ ਚਲ ਰਿਹਾ ਤਲਾਸ਼ੀ ਅਭਿਆਨ ਐਤਵਾਰ ਨੂੰ ਖਤਮ ਹੋ ਗਿਆ।
ਇਸ ਦੇ ਨਾਲ ਹੀ ਹਰਿਆਣਾ ਪੁਲਿਸ ਨੇ ਪੰਚਕੂਲਾ ਹਿੰਸਾ ਦੇ ਸਿਲਸਿਲੇ 'ਚ ਡੇਰੇ ਦੇ ਸੀਨੀਅਰ ਮੈਂਬਰ ਗੋਵਿੰਦ ਨੂੰ ਗ੍ਰਿਫਤਾਰ ਕਰ ਲਿਆ ਹੈ, ਜਦੋਂਕਿ ਰਾਮ ਰਹੀਮ ਦੀ ਮੂੰਹਬੋਲੀ ਬੇਟੀ ਹਨੀਪ੍ਰੀਤ ਇੰਸਾ ਨੂੰ ਫੜਣ ਲਈ ਪੁਲਿਸ ਛਾਪੇਮਾਰੀ ਕਰ ਰਹੀ ਹੈ।
