ਪਿਹੋਵਾ, 20 ਸਤੰਬਰ (ਡਾ. ਕਮਲਜੀਤ) : ਪਿਹੋਵਾ ਹਲਕੇ ਵਿਚ ਇਸ ਵਾਰ ਝੋਨੇ ਦੀ ਫ਼ਸਲ ਬਹੁਤ ਚੰਗੀ ਸੀ ਪਰ ਬੀਮਾਰੀਆਂ ਕਾਰਨ ਕਿਸਾਨਾਂ ਦੇ ਪੱਲੇ ਕੁੱਝ ਵੀ ਨਹੀਂ ਪਵੇਗਾ। ਪਹਿਲਾਂ ਤੇਲੇ ਤੇ ਬਲਾਈਟ ਬੀਮਾਰੀ ਫੈਲਣੀ ਸ਼ੁਰੂ ਹੋਈ ਪਰ ਮੀਂਹ ਪੈਣ ਕਰ ਕੇ ਇਹ ਬੀਮਾਰੀ ਰੁਕ ਗਈ। ਪਰ ਹੁਣ ਮੀਂਹ ਤੋਂ ਬਾਅਦ ਜ਼ਿਆਦਾ ਗਰਮੀ ਹੋਣ ਕਰ ਕੇ ਉਕਤ ਦੋਵੇਂ ਬੀਮਾਰੀਆਂ ਦੇ ਮੁੜ ਫੈਲਣ ਨਾਲ ਕਿਸਾਨਾਂ ਦਾ ਆਰਥਕ ਨੁਕਸਾਨ ਹੋ ਰਿਹਾ ਹੈ। ਕਿਸਾਨਾਂ ਨੇ ਫ਼ਸਲਾਂ 'ਤੇ ਹਰ ਤਰ੍ਹਾਂ ਦੇ ਪੈਸਟੀਫ਼ਾਈਡ ਦਵਾਈ ਦਾ ਛਿੜਕਾਅ ਕੀਤਾ ਉਹ ਸੱਭ ਅਸਫ਼ਲ ਰਹੇ ਹਨ। ਦੂਜੇ ਪਾਸੇ ਜਿਹੜਾ ਝੋਨਾ ਮੰਡੀ ਵਿਚ ਆਉਣਾ ਸ਼ੁਰੂ ਹੋ ਗਿਆ ਹੈ। ਬੀਮਾਰੀ ਕਾਰਨ ਝੋਨੇ ਦਾ ਰੰਗ ਵੀ ਕਾਲਾ ਹੋ ਗਿਆ ਹੈ, ਜਿਸ ਕਾਰਨ ਵਪਾਰੀ ਫ਼ਸਲ ਦਾ ਰੇਟ ਪੂਰਾ ਨਹੀਂ ਲਾ ਹਰੇ ਹਨ। ਇਸ ਕਰ ਕੇ ਕਿਸਾਨਾਂ ਨੂੰ ਦੋਹਰੀ ਮਾ ਪੈ ਹੀ ਹੈ।

ਇਸ ਸਮੱਸਿਆ ਸਬੰਧੀ ਸਾਬਕਾ ਵਿਗਿਆਨੀ ਸੂਰਜਾ ਰਾਮ ਨੇ ਗੱਲਬਾਤ ਦੌਰਾਨ ਦਸਿਆ ਕਿ ਬੀਮਾਰੀ ਦਾ ਕਾਰਨ ਮੌਸਮ ਵਿਚ ਤਬਦੀਲੀ ਆਉਣਾ ਹੈ। ਕਿਸਾਨਾਂ ਨੇ ਸਰਕਾਰ ਕੋਲੋਂ ਮੁਆਵਜ਼ਾ ਦੀ ਮੰਗ ਕੀਤੀ ਹੈ, ਜਿਸ ਨਾਲ ਆਰਥਕ ਸਥਿਤੀ ਠੀਕ ਹੋ ਸਕੇ।