ਨਵੀਂ
ਦਿੱਲੀ, 18 ਸਤੰਬਰ (ਸੁਖਰਾਜ ਸਿੰਘ): ਸ਼੍ਰੋਮਣੀ ਯੂਥ ਅਕਾਲੀ ਦਲ (ਬਾਦਲ) ਦੇ ਕੋਮੀ ਮੀਤ
ਪ੍ਰਧਾਨ ਅਤੇ ਸਾਬਕਾ ਕੌਂਸਲਰ ਤਿਲਕ ਨਗਰ ਸ਼੍ਰੀ ਡਿੰਪਲ ਚੱਡਾ ਅਤੇ ਵਿਸ਼ਕਰਮਾ ਸੇਵਾ
ਸੁਸਾਇਟੀ ਵਲੋਂ ਵਿਸ਼ਾਲ ਵਿਸ਼ਕਰਮਾ ਪੂਜਾ ਸੰਮੇਲਨ ਮਨਾਇਆ ਗਿਆ।
ਇਸ ਮੌਕੇ ਮੌਜੂਦ ਜਨਤਾ ਨੇ ਭਗਵਾਨ ਵਿਸ਼ਕਰਮਾ ਦੀ ਪੂਜਾ ਅਰਾਧਨਾ ਕੀਤੀ ਅਤੇ ਸਰਬਤ ਦੇ ਭਲੇ ਦੀ ਕਾਮਨਾ ਕੀਤੀ। ਇਸ ਮੌਕੇ ਡਿੰਪਲ ਚੱਡਾ ਨੇ ਬੋਲਦਿਆਂ ਕਿਹਾ ਕਿ ਉਹ ਬਤੌਰ ਨਿਗਮ ਪਾਰਸ਼ਦ ਸੇਵਾ ਕਰਦੇ ਆਏ ਹਨ ਅਤੇ ਭਵਿੱਖ ਵਿਚ ਵੀ ਬਿਨ੍ਹਾਂ ਸਵਾਰਥ ਦੇ ਵਧ ਚੜ੍ਹ ਕੇ ਸੇਵਾ ਕਰਦੇ ਰਹਿਣਗੇ। ਉਨ੍ਹਾਂ ਕਿਹਾ ਕਿ ਆਉਣ ਵਾਲੀ ਵਿਧਾਨ ਸਭਾ ਚੋਣਾਂ ਵਿਚ ਕੇਜਰੀਵਾਲ ਦਾ ਸਫਾਇਆ ਹੋਣਾ ਤੈਅ ਹੈ।
ਇਸ ਮੌਕੇ ਉਨ੍ਹਾਂ ਤੋਂ ਇਲਾਵਾ ਭਾਜਪਾ ਦਿੱਲੀ ਪ੍ਰਦੇਸ਼ ਪ੍ਰਧਾਨ ਮਨੋਜ ਤਿਵਾਰੀ,
ਸਾਂਸਦ ਪ੍ਰੋਵੇਸ਼ ਵਰਮਾ, ਭਾਜਪਾ ਪ੍ਰਵਕਤਾ ਰਾਜੀਵ ਬੱਬਰ, ਭਾਜਪਾ ਮੀਤ ਪ੍ਰਧਾਨ ਰਾਜਕੁਮਾਰ
ਗਰੋਵਰ, ਮੰਡਲ ਪ੍ਰਧਾਨ ਅਮਰਦੀਪ ਕਪਿਲਾ ਅਤੇ ਹੋਰ ਭਾਜਪਾ ਅਕਾਲੀ ਕਾਰਜਕਰਤਾ ਮੌਜੂਦ ਸਨ।
