ਚੰਡੀਗੜ੍ਹ: ਡੇਰੇ ਸਿਰਸਾ ਕਾਂਡ ਤੋਂ ਬਾਅਦ ਬਣੀ ਐਸ.ਆਈ.ਟੀ. ਨੇ ਚਾਰਟਿਡ ਅਕਾਊਂਟਿਡ (ਸੀਏ) ਸੀ.ਪੀ. ਅਰੋੜਾ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਇਹ ਸਿਰਸਾ ਦਾ ਰਹਿਣ ਵਾਲਾ ਹੈ। ਇਸ ਦੇ ਨਾਲ ਹਿੰਸਾ ਦੇ ਮੁਲਜ਼ਮ ਗੋਪਾਲ ਬਾਂਸਲ ਨੂੰ ਗ੍ਰਿਫਤਾਰ ਕੀਤਾ ਹੈ।
ਇਸ ਨੂੰ ਰਾਜਸਥਾਨ ਦੇ ਹਨੂੰਮਾਨਗੜ੍ਹ ਤੋਂ ਗ੍ਰਿਫਤਾਰ ਕੀਤਾ ਗਿਆ ਹੈ। ਗੋਪਾਲ ਬਾਂਸਲ ਡੇਰੇ ਦੀ 45 ਮੈਂਬਰੀ ਕਮੇਟੀ ਦਾ ਮੈਂਬਰ ਸੀ।ਸੀਏ ਅਰੋੜਾ ਦੀ ਗ੍ਰਿਫਤਾਰ ਤੋਂ ਬਾਅਦ ਉਸ ਨੇ ਪੁਲੀਸ ਕੋਲ ਕਈ ਖੁਲਾਸੇ ਕੀਤੇ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਦੀ ਗ੍ਰਿਫਤਾਰੀ ਨਾਲ ਡੇਰੇ ਦੇ ਖ਼ਾਤਿਆਂ ਦੇ ਬਿਜ਼ਨੈਸਾਂ ਬਾਰੇ ਵੱਡੇ ਖੁਲਾਸੇ ਹੋ ਸਕਦੇ ਹਨ।
ਦੱਸਣਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਡੇਰੇ ਨਾਲ ਜੁੜੇ ਕਈ ਅਹਿਮ ਲੋਕਾਂ ਦੀਆਂ ਗ੍ਰਿਫਤਾਰੀਆਂ ਹੋ ਚੁੱਕੀਆਂ ਹਨ। ਹੁਣ ਤੱਕ ਡੇਰੇ ਬਾਰੇ ਕਈ ਅਣਜਾਣੇ ਪਹਿਲੂ ਬਾਹਰ ਆਏ ਹਨ। ਦਰਅਸਲ ਪਿਛਲੇ ਸਮੇਂ ਹੋਈਆਂ ਗ੍ਰਿਫਤਾਰੀਆਂ ਕਾਰਨ ਹੀ ਕੁਝ ਨਵੀਆਂ ਗ੍ਰਿਫਤਾਰੀਆਂ ਹੋਈਆਂ ਹਨ।
