ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਟਵੀਟ ਫਰਜ਼ੀ ਪਾਇਆ ਹੈ। ਹੁਣ ਫਰਜ਼ੀ ਟਵੀਟ ਨੂੰ ਵਾਇਰਲ ਕਰਦੇ ਹੋਏ ਵਿਸ਼ੇਸ਼ ਧਰਮ ਨੂੰ ਬਦਨਾਮ ਕੀਤਾ ਜਾ ਰਿਹਾ ਹੈ।
RSFC (Team Mohali)- 5 ਸਿਤੰਬਰ 2021 ਨੂੰ ਸੰਯੁਕਤ ਕਿਸਾਨ ਮੋਰਚੇ ਦੇ ਸੱਦੇ ਤੇ ਉੱਤਰ ਪ੍ਰਦੇਸ਼ ਦੇ ਮੁਜ਼ੱਫਰਨਗਰ ਵਿਖੇ ਮਹਾਂ ਪੰਚਾਇਤ ਕੀਤੀ ਗਈ ਸੀ ਜਿਸ ਵਿਚ ਵੱਡੀ ਗਿਣਤੀ ਵਿੱਚ ਕਿਸਾਨਾਂ ਅਤੇ ਲੋਕਾਂ ਨੇ ਭਾਗ ਲਿਆ ਸੀ। ਹੁਣ ਮਹਾਪੰਚਾਇਤ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਇਕ ਟਵੀਟ ਖੂਬ ਵਾਇਰਲ ਹੋ ਰਿਹਾ ਹੈ। ਟਵੀਟ ਮੁਤਾਬਕ ਟਵਿੱਟਰ ਯੂਜ਼ਰ ਆਦਿਲ ਅੰਸਾਰੀ ਨੇ ਮੰਨਿਆ ਕਿ ਮੁਸਲਮਾਨਾਂ ਨੇ ਕਿਸਾਨ ਨੇਤਾ ਰਾਕੇਸ਼ ਟਿਕੈਤ, ਪੂਨਮ ਪੰਡਿਤ ਸਣੇ ਕਰੀਬ ਪੰਜ ਲੱਖ ਲੋਕਾਂ ਨੂੰ ਥੁੱਕ ਵਾਲਾ ਹਲਵਾ ਅਤੇ ਹੋਰ ਪਕਵਾਨ ਚਲਾਏ ਅਤੇ ਅੱਲ੍ਹਾ-ਹੂ-ਅਕਬਰ ਦਾ ਨਾਅਰਾ ਬੁਲੰਦ ਕਰਵਾ ਕੇ ਵਿਸ਼ਵ ਰਿਕਾਰਡ ਬਣਾਇਆ।
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਟਵੀਟ ਫਰਜ਼ੀ ਪਾਇਆ ਹੈ। ਹੁਣ ਫਰਜ਼ੀ ਟਵੀਟ ਨੂੰ ਵਾਇਰਲ ਕਰਦੇ ਹੋਏ ਵਿਸ਼ੇਸ਼ ਧਰਮ ਨੂੰ ਬਦਨਾਮ ਕੀਤਾ ਜਾ ਰਿਹਾ ਹੈ।
ਵਾਇਰਲ ਪੋਸਟ
ਫੇਸਬੁੱਕ ਯੂਜ਼ਰ "बिरेन्द्र कुमार तिवारी" ਨੇ ਵਾਇਰਲ ਟਵੀਟ ਦਾ ਸਕ੍ਰੀਨਸ਼ੋਟ ਸ਼ੇਅਰ ਕਰਦਿਆਂ ਲਿਖਿਆ, "लो सालों खाऔ थूक वाला हलवा। किसान रैली में शान्तिप्रिय समुदाय के लोगों ने सभी को खिलाया थूक वाला हलवा।"
ਇਹ ਪੋਸਟ ਹੇਠਾਂ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।
ਪੜਤਾਲ
ਪੜਤਾਲ ਦੀ ਸ਼ੁਰੂਆਤ ਕਰਦੇ ਹੋਏ ਅਸੀਂ ਸਭ ਤੋਂ ਪਹਿਲਾਂ ਟਵੀਟ ਨੂੰ ਧਿਆਨ ਨਾਲ ਵੇਖਿਆ। ਇਸ ਟਵੀਟ ਵਿਚ ਕੁਝ ਚੀਜ਼ਾਂ ਗੋਰ ਕਰਨ ਵਾਲੀਆਂ ਹਨ।
ਪਹਿਲਾ- ਟਵੀਟ ਕੀਤੇ ਗਏ ਅੱਖਰ ਸਮਾਨ ਤੋਂ ਜ਼ਿਆਦਾ ਹਨ।
ਦੂਸਰਾ- ਇਸ ਟਵੀਟ ਦੇ ਫੌਂਟ ਅਤੇ ਅਲਾਈਨਮੈਂਟ ਠੀਕ ਨਹੀਂ ਹਨ।
ਅੱਗੇ ਵਧਦੇ ਹੋਏ ਅਸੀਂ ਵਾਇਰਲ ਵਾਇਰਲ ਹੋ ਰਹੇ ਟਵੀਟ ਦੇ ਟੈਕਸਟ ਨੂੰ ਆਪਣੇ ਟਵਿੱਟਰ ਅਕਾਉਂਟ 'ਤੇ ਪੇਸਟ ਕਰਨ ਦੀ ਕੋਸ਼ਿਸ਼ ਕੀਤੀ। ਅਸੀਂ ਪਾਇਆ ਕਿ ਵਾਇਰਲ ਹੋ ਰਹੇ ਟਵੀਟ ਦੇ ਸ਼ਬਦ ਟਵਿੱਟਰ ਦੁਆਰਾ ਨਿਰਧਾਰਤ 280 ਅੱਖਰਾਂ ਤੋਂ ਵੱਧ ਹਨ, ਜਿਸਦਾ ਮਤਲਬ ਕਿ ਵਾਇਰਲ ਟਵੀਟ ਐਡੀਟੇਡ ਹੈ।
ਅੱਗੇ ਵਧਦੇ ਹੋਏ ਹੋਏ ਅਸੀਂ ਵਾਇਰਲ ਟਵੀਟਰ ਯੂਜ਼ਰ ਦੇ ਅਕਾਉਂਟ ਨੂੰ ਖੰਗਾਲਿਆ। ਅਸੀਂ ਪਾਇਆ ਕਿ ਵਾਇਰਲ ਹੋ ਰਹੇ ਦੋਵੇਂ ਟਵਿੱਟਰ ਅਕਾਉਂਟ ਸਾਲ 2015 ਅਤੇ 2017 ਤੋਂ ਬਾਅਦ ਐਕਟਿਵ ਨਹੀਂ ਹਨ।
ਮਤਲਬ ਸਾਫ ਸੀ ਕਿ ਫਰਜ਼ੀ ਟਵੀਟ ਨੂੰ ਵਾਇਰਲ ਕਰ ਵਿਸ਼ੇਸ਼ ਧਰਮ 'ਤੇ ਨਿਸ਼ਾਨਾ ਸਾਧਿਆ ਜਾ ਰਿਹਾ ਹੈ।
ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਟਵੀਟ ਫਰਜ਼ੀ ਪਾਇਆ ਹੈ। ਹੁਣ ਫਰਜ਼ੀ ਟਵੀਟ ਨੂੰ ਵਾਇਰਲ ਕਰਦੇ ਹੋਏ ਵਿਸ਼ੇਸ਼ ਧਰਮ ਨੂੰ ਬਦਨਾਮ ਕੀਤਾ ਜਾ ਰਿਹਾ ਹੈ।
Claim- Muslim Community spits on the farmers food
Claimed By- FB User बिरेन्द्र कुमार तिवारी
Fact Check- Fake
