ਰੋਜ਼ਾਨਾ ਸਪੋਕਸਮੈਨ ਨੇ ਅਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਤਸਵੀਰ ਦਿੱਲੀ ਦੇ ਹਨੂੰਮਾਨ ਮੰਦਰ ਦੀ ਨਹੀਂ ਹੈ।
ਰੋਜ਼ਾਨਾ ਸਪੋਕਸਮੈਨ (ਮੋਹਾਲੀ ਟੀਮ): ਦਿੱਲੀ ਦੇ ਚਾਂਦਨੀ ਚੌਂਕ ਵਿਚ ਹਨੂੰਮਾਨ ਮੰਦਰ ਨੂੰ ਢਾਹੁਣ ਦਾ ਮਾਮਲਾ ਕਾਫੀ ਗਰਮਾਇਆ ਹੋਇਆ ਹੈ। ਇਸੇ ਕ੍ਰਮ ਵਿਚ ਸੋਸ਼ਲ ਮੀਡਿਆ 'ਤੇ ਇੱਕ ਤਸਵੀਰ ਵਾਇਰਲ ਹੋ ਰਹੀ ਹੈ ਜਿਸਦੇ ਵਿਚ ਇੱਕ ਮੰਦਰ ਦੀ ਇਮਾਰਤ 'ਤੇ ਜੇਸੀਬੀ ਬੁਲਡੋਜ਼ਰ ਚਲਦੇ ਵੇਖਿਆ ਜਾ ਸਕਦਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਤਸਵੀਰ ਦਿੱਲੀ ਵਿਚ ਹਾਲੀਆ ਢਾਹੇ ਗਏ ਹਨੂੰਮਾਨ ਮੰਦਰ ਦੀ ਹੈ।
ਰੋਜ਼ਾਨਾ ਸਪੋਕਸਮੈਨ ਨੇ ਅਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਤਸਵੀਰ ਦਿੱਲੀ ਦੇ ਹਨੂੰਮਾਨ ਮੰਦਰ ਦੀ ਨਹੀਂ ਹੈ। ਇਹ ਫੋਟੋ 2015 ‘ਚ ਜੈਪੁਰ ਵਿਖੇ ਢਾਹੇ ਗਏ ਪੁਰਾਣੇ ਮੰਦਰ ਦੀ ਹੈ।
ਵਾਇਰਲ ਪੋਸਟ ਦਾ ਦਾਅਵਾ
ਟਵਿਟਰ ਯੂਜ਼ਰ दिव्या हिन्दू @Divya_Hindu1 ਨੇ ਦੋ ਫੋਟੋਆਂ ਟਵੀਟ ਕੀਤੀਆਂ। ਇੱਕ ਫੋਟੋ ਦਿੱਲੀ ਦੇ CM ਅਰਵਿੰਦ ਕੇਜਰੀਵਾਲ ਦੀ ਹੈ ਅਤੇ ਦੂਜੀ ਤਸਵੀਰ ਇੱਕ ਕੋਲਾਜ ਹੈ ਜਿਸਦੇ ਵਿਚ ਚਾਂਦਨੀ ਚੋਂਕ ਦੇ ਦ੍ਰਿਸ਼ ਨੂੰ ਵੇਖਿਆ ਜਾ ਸਕਦਾ ਹੈ ਅਤੇ ਦੂਜੀ ਤਸਵੀਰ ਇੱਕ ਮੰਦਰ ਨੂੰ ਢਾਹੁਣ ਦੀ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਤਸਵੀਰ ਦਿੱਲੀ ਵਿਚ ਹਾਲੀਆ ਢਾਏ ਗਏ ਹਨੂੰਮਾਨ ਮੰਦਰ ਦੀ ਹੈ।
ਇਸ ਪੋਸਟ ਦਾ ਆਰਕਾਇਵਡ ਲਿੰਕ।
ਇਸ ਪੋਸਟ ਨੂੰ ਸ਼ੇਅਰ ਕਰਦੇ ਹੋਏ ਯੂਜ਼ਰ ਨੇ ਕੈਪਸ਼ਨ ਦਿੱਤਾ, ‘#चांदनीचौकहनुमानमंदिरवापसदो The art The artist’। ਹੋਰ ਵੀ ਕਈ ਯੂਜ਼ਰ ਹਨੂੰਮਾਨ ਮੰਦਰ ਦੇ ਨਾਂਅ ‘ਤੇ ਪੁਰਾਣੀਆਂ ਫੋਟੋਆਂ ਸ਼ੇਅਰ ਕਰ ਰਹੇ ਹਨ।
#चांदनीचौक_हनुमान_मंदिर_वापस_दो
— दिव्या????????हिन्दू (@Divya_Hindu1) January 4, 2021
The art The artist pic.twitter.com/ZWHkrcLfeu
ਰੋਜ਼ਾਨਾ ਸਪੋਕਸਮੈਨ ਦੀ ਪੜਤਾਲ
ਰੋਜ਼ਾਨਾ ਸਪੋਕਸਮੈਨ ਨੇ ਪਾਇਆ ਕਿ ਯੂਜ਼ਰ ਵੱਲ਼ੋਂ ਸ਼ੇਅਰ ਕੀਤੀ ਗਈ ਤਸਵੀਰ ਚਾਂਦਨੀ ਚੋਂਕ ਦੇ ਹਨੂੰਮਾਨ ਮੰਦਰ ਦੀ ਨਹੀਂ ਹੈ। ਸ਼ੇਅਰ ਕੀਤੀ ਗਈ ਫੋਟੋ ਨੂੰ ਗੂਗਲ ਰਿਵਰਸ ਇਮੇਜ ਸਰਚ ਕਰਨ ‘ਤੇ ਕੁਝ ਮੀਡੀਆ ਰਿਪੋਰਟਾਂ ਸਾਹਮਣੇ ਆਈਆਂ। ਇਹਨਾਂ ਰਿਪੋਰਟਾਂ ਜ਼ਰੀਏ ਜਾਣਕਾਰੀ ਮਿਲੀ ਕਿ ਵਾਇਰਲ ਫੋਟੋ ਜੈਪੁਰ ਵਿਖੇ 2015 ਵਿਚ ਢਾਹੇ ਗਏ ਪੁਰਾਣੇ ਮੰਦਰ ਦੀ ਹੈ।
ਰਿਪੋਰਟ ਜ਼ਰੀਏ ਪਤਾ ਲੱਗਿਆ ਕਿ ਸਾਲ 2015 ਵਿਚ ਰਾਜਸਥਾਨ ਦੀ ਭਾਜਪਾ ਸਰਕਾਰ ਨੇ ਜੈਪੁਰ ਵਿਚ ਮੈਟਰੋ ਰੇਲ ਪ੍ਰਾਜੈਕਟ ਲਈ ਕਈ ਪ੍ਰਾਚੀਨ ਮੰਦਰਾਂ ਨੂੰ ਢਾਹੁਣ ਦਾ ਫੈਸਲਾ ਕੀਤਾ ਸੀ। ਇਸ ਦੇ ਚਲਦਿਆਂ ਆਰਐਸਐਸ ਸਮੇਤ ਕਈ ਹਿੰਦੂ ਸੰਗਠਨਾਂ ਨੇ ਸਰਕਾਰ ਦੇ ਫੈਸਲੇ ਦਾ ਵੱਡੇ ਪੱਧਰ ‘ਤੇ ਵਿਰੋਧ ਕੀਤਾ ਸੀ।
ਦਿੱਲੀ ਵਿਚ ਹਨੂੰਮਾਨ ਮੰਦਰ ਢਾਹੁਣ ਨੂੰ ਲੈ ਕੇ ਵਿਰੋਧੀ ਧਿਰਾਂ ਕੇਜਰੀਵਾਲ ਸਰਕਾਰ ਨੂੰ ਜ਼ਿੰਮੇਵਾਰ ਮੰਨ ਰਹੀਆਂ ਹਨ। ਇਸ ਸਬੰਧੀ ਖ਼ਬਰਾਂ ਪੜ੍ਹਨ ‘ਤੇ ਪਤਾ ਚੱਲਿਆ ਕਿ ਮੰਦਰ ਨੂੰ ਢਾਹੁਣ ਦਾ ਆਦੇਸ਼ ਭਾਜਪਾ ਸ਼ਾਸਤ ਐਮਸੀਡੀ ਵੱਲ਼ੋਂ ਦਿੱਤਾ ਗਿਆ ਸੀ।
ਨਤੀਜਾ: ਪੜਤਾਲ ਤੋਂ ਸਾਬਿਤ ਹੁੰਦਾ ਹੈ ਕਿ ਵਾਇਰਲ ਫੋਟੋ 2015 ਵਿਚ ਜੈਪੁਰ ਵਿਖੇ ਢਾਹੇ ਗਏ ਮੰਦਰ ਦੀ ਹੈ। ਇਸ ਦਾ ਚਾਂਦਨੀ ਚੌਂਕ ਦੇ ਹਨੂੰਮਾਨ ਮੰਦਰ ਨਾਲ ਕੋਈ ਸਬੰਧ ਨਹੀਂ।
Claim: ਚਾਂਦਨੀ ਚੌਂਕ ਦੇ ਹਨੂੰਮਾਨ ਮੰਦਰ ਨਾਲ ਜੋੜ ਕੇ ਪੁਰਾਣੀ ਫੋਟੋ ਨੂੰ ਕੀਤਾ ਜਾ ਰਿਹਾ ਵਾਇਰਲ
Claim By: @Divya_Hindu1
Fact Check: ਗਲਤ
