ਮੁੰਬਈ: 'ਰੰਗੀਲਾ', 'ਸੱਤਿਆ', 'ਬਾਦਸ਼ਾਹ', 'ਪੁਕਾਰ' ਤੇ 'ਬੋਲ ਬੱਚਨ' ਵਰਗੀਆਂ ਫਿਲਮਾਂ ਦੇ ਮਸ਼ਹੂਰ ਅਦਾਕਾਰ ਨੀਰਜ ਵੋਰਾ ਦਾ ਦਿਹਾਂਤ ਹੋ ਗਿਆ ਹੈ। ਅੱਜ ਤੜਕੇ 4 ਵਜੇ ਦੇ ਕਰੀਬ ਮੁੰਬਈ ਦੇ ਕ੍ਰਿਤੀ ਕੇਅਰ ਹਸਪਤਾਲ 'ਚ ਉਨ੍ਹਾਂ ਨੇ ਆਖਰੀ ਸਾਹ ਲਿਆ। ਉਹ 54 ਸਾਲ ਦੇ ਸਨ ਤੇ ਪਿਛਲੇ 13 ਮਹੀਨਿਆਂ ਤੋਂ ਕੋਮਾ 'ਚ ਸੀ।
19 ਅਕਤੂਬਰ 2016 ਨੂੰ ਆਏ ਬ੍ਰੇਨ ਸਟ੍ਰੋਕ ਕਾਰਨ ਨੀਰਜ ਨੂੰ ਦਿੱਲੀ ਸਥਿਤ ਐਮਸ 'ਚ ਭਰਤੀ ਕਰਵਾਇਆ ਗਿਆ ਸੀ। ਪਹਿਲਾਂ ਤਾਂ ਵੈਂਟੀਲੇਟਰ 'ਤੇ ਰੱਖਿਆ ਗਿਆ ਸੀ।
ਹਾਲਾਂਕਿ ਬਾਅਦ 'ਚ ਹਾਲਤ 'ਚ ਸੁਧਾਰ ਹੋ ਗਿਆ ਸੀ ਤੇ ਮਾਰਚ 2017 'ਚ ਮੁੰਬਈ ਲਿਆਂਦਾ ਗਿਆ ਸੀ। ਉਦੋਂ ਤੋਂ ਨੀਰਜ ਉਥੇ ਹੀ ਰਹਿ ਰਹੇ ਸਨ।
