ਇਕ ਸਮੇਂ ਟੀਵੀ ਦੀ ਸੁਪਰ ਸਟਾਰ ਰਹਿ ਚੁੱਕੀ ਬਿੰਦਾਸ ਅਤੇ ਬੇਬਾਕ ਮੋਨਾ ਸਿੰਘ ਇਕ ਵਾਰ ਫਿਰ ਟੀਵੀ ਦੀ ਕਵੀਨ ਏਕਤਾ ਕਪੂਰ ਦੇ ਨਾਲ ਧਮਾਲ ਮਚਾਉਣ ਵਾਲੀ ਹੈ। ਇੰਨਾ ਹੀ ਨਹੀਂ ਮੋਨਾ ਸਿੰਘ ਦੇ ਨਾਲ ਟੀਵੀ ਅਤੇ ਫ਼ਿਲਮਾਂ ਵਿਚ ਨਾਮ ਕਮਾ ਕੇ ਖਾਸ ਪਹਿਚਾਣ ਰੱਖਣ ਵਾਲੇ "ਰੋਨਿਤ ਬਾੱਸ ਰਾਇ" ਵੀ ਵੈੱਬ ਟੀਵੀ 'ਤੇ ਨਵੀਂ ਸ਼ੁਰੂਆਤ ਕਰਨ ਜਾ ਰਹੇ ਹਨ।
ਮੋਨਾ ਅਤੇ ਰੋਨਿਤ ਬਾਲਾਜੀ ਦੇ ਏਐੱਲਟੀ ਨਵੇਂ ਸ਼ੋਅ "ਕਹਿਣੇ ਕੋ ਹਮਸਫਰ ਹੈਂ" ਵਿਚ ਨਜ਼ਰ ਆਉਣਗੇ। ਇਹ ਸ਼ੋਅ ਪਤੀ ਪਤਨੀ ਅਤੇ ਨਜ਼ਾਇਜ ਸਬੰਧਾਂ ਦੀ ਕਹਾਣੀ ਨੂੰ ਦਰਸਾਉਂਦਾ ਹੈ। ਇਸ ਰਾਹੀਂ ਦਰਸਾਇਆ ਗਿਆ ਹੈ ਕਿ ਜ਼ਿੰਦਗੀ 'ਚ ਇਕ ਸਮਾਂ ਅਜਿਹਾ ਵੀ ਆਉਂਦਾ ਹੈ ਜਦੋਂ ਇਹ ਤੈਅ ਕਰਨਾ ਮੁਸ਼ਕਿਲ ਹੋ ਜਾਂਦਾ ਹੈ ਕਿ, ਕੀ ਗਲਤ ਹੈ ਤੇ ਕੀ ਸਹੀ ਹੈ? ਪਿਆਰ 'ਚ ਪੈਣ ਤੋਂ ਬਾਅਦ ਸਹੀ ਗਲਤ ਦਾ ਫੈਸਲਾ ਕਰਨਾ ਬਹੁਤ ਮੁਸ਼ਕਿਲ ਹੋ ਜਾਂਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਹਾਲ ਹੀ 'ਚ ਇਸਦਾ ਟਰੇਲਰ ਰਿਲੀਜ਼ ਕੀਤਾ ਗਿਆ ਹੈ ਜੋ ਕਿ ਕਾਫੀ ਸਰਾਹਿਆ ਜਾ ਰਿਹਾ ਹੈ।
ਇਸ ਵੈੱਬ ਸੀਰੀਜ਼ ਦੀ ਕਹਾਣੀ ਕੁਝ ਇਸ ਤਰ੍ਹਾਂ ਹੈ ਕਿ 40 ਸਾਲ ਦੀ ਉਮਰ 'ਚ ਰੋਨਿਤ ਰਾਏ ਨੂੰ ਮੋਨਾ ਨਾਲ ਇਸ ਕਦਰ ਪਿਆਰ ਹੋ ਜਾਂਦਾ ਹੈ ਕਿ ਉਹ ਆਪਣੀ ਪਹਿਲੀ ਪਤਨੀ ਕੋਲੋਂ ਤਲਾਕ ਲੈਣਾ ਚਾਹੁੰਦਾ ਹੈ। ਇਸ ਦੌਰਾਨ ਜੋ ਵੀ ਉਤਾਰ ਚੜਾਅ ਆਉਂਦੇ ਹਨ ਉਸਨੂੰ ਦਰਸਾਉਂਦੀ ਕਹਾਣੀ ਹੈ "ਕਹਿਣੇ ਕੋ ਹਮਸਫਰ ਹੈਂ" ਇਸ ਸ਼ੋਅ ਦੇ ਟਰੇਲਰ ਦੀ ਵੀਡੀਓ ਕਾਫੀ ਵਾਇਰਲ ਹੋ ਰਹੀ ਹੈ ਜਿਸ ਵਿਚ ਰੋਨਿਤ ਤੇ ਮੋਨਾ ਕਾਫੀ ਰੋਮਾਂਟਿਕ ਹੁੰਦੇ ਨਜ਼ਰ ਰਹੇ ਹਨ।
2 ਮਿੰਟ, 53 ਸੈਕਿੰਡ ਦੇ ਇਸ ਟਰੇਲਰ ਨੂੰ ਸੋਸ਼ਲ ਮੀਡੀਆ 'ਤੇ ਪ੍ਰਸ਼ੰਸਕਾਂ ਵਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਤੁਹਾਨੂੰ ਦੱਸ ਦੇਈਏ ਕਿ ਇਸ ਵੈੱਬ ਸੀਰੀਜ਼ 'ਚ ਰੋਨਿਤ ਤੇ ਮੋਨਾ ਤੋਂ ਇਲਾਵਾ ਰੋਨਿਤ ਦੀ ਪਤਨੀ ਦੇ ਕਿਰਦਾਰ 'ਚ ਗੁਰਦੀਪ ਕੋਹਲੀ ਅਹਿਮ ਭੂਮਿਕਾ 'ਚ ਹਨ। ਇਸ ਦੇ ਨਾਲ ਹੀ ਨੀਨਾ ਗੁਪਤਾ ਵੀ ਇਸ ਸੀਰੀਜ਼ ਦੇ ਵਿਚ ਨਜ਼ਰ ਆਵੇਗੀ। ਦੱਸਿਆ ਜਾਂਦਾ ਹੈ ਇਸ ਸੀਰੀਜ਼ ਦੀ ਕਹਾਣੀ ਨੂੰ ਲਿਖਿਆ ਵੀ ਨੀਨਾ ਗੁਪਤਾ ਨੇ ਹੀ ਹੈ। ਇਸ ਦੇ ਨਾਲ ਹੀ ਦੱਸ ਦੇਈਏ ਕਿ ਟ੍ਰੇਲਰ ਲੋਕਾਂ ਦੇ ਦਿਲਾਂ ਚ ਕਾਫੀ ਘਰ ਕਰ ਰਹੇ ਹਨ ਹੁਣ ਦੇਖਣਾ ਹੋਵੇਗਾ ਕਿ ਆਉਣ ਵਾਲੀ 16 ਮਾਰਚ ਰਿਲੀਜ਼ ਹੋਣ ਵਾਲੇ ਇਸ ਸ਼ੋਅ ਨੂੰ ਲੋਕ ਕਿੰਨਾ ਪਸੰਦ ਕਰਦੇ ਹਨ।
