ਬਾਲੀਵੁੱਡ ਅਦਾਕਾਰਾ ਦੀਪਿਕਾ ਪਾਦੂਕੋਣ ਆਖਿਰਕਾਰ ਰਾਣੀ ਪਦਮਾਵਤੀ ਦੀ ਭੂਮਿਕਾ ਵਿਚੋਂ ਬਾਹਰ ਆ ਗਈ ਹੈ। ਜਿਥੇ ਦੀਪਿਕਾ ਪਾਦੂਕੋਣ ਦੀ ਫਿਲਮ ਤੋਂ ਬਾਅਦ ਬਹੁਤ ਸ਼ਲਾਘਾ ਕੀਤੀ ਗਈ। ਉਸ ਦੀ ਫਿਲਮ ਵੀ ਕਾਫੀ ਧਮਾਕੇਦਾਰ ਕਮਾਈ ਕਰ ਰਹੀ ਹੈ। ਇਹਨਾਂ ਸਭ ਤੋਂ ਬਾਅਦ ਦੀਪਿਕਾ ਦਾ 'ਵੋਗ ਮੈਗਜ਼ੀਨ' ਲਈ ਫੋਟੋਸ਼ੂਟ ਕਾਫੀ ਚਰਚਾ ਵਿਚ ਹੈ। ਵੋਗ ਦਾ ਫਰਵਰੀ ਦਾ ਐਡੀਸ਼ਨ ਸਾਹਮਣੇ ਆਇਆ ਹੈ ਜਿਥੇ ਇਸ ਐਡੀਸ਼ਨ 'ਚ ਦੀਪਿਕਾ ਕਵਰ ਪੇਜ਼ 'ਤੇ ਨਜ਼ਰ ਆ ਰਹੀ ਹੈ।
ਵੋਗ ਦੇ ਫਰਵਰੀ ਮਹੀਨੇ ਦੇ ਐਡੀਸ਼ਨ ਦਾ ਨਾਂ ਹੈਪੀ ਇਸ਼ੂ ਹੈ ਰੱਖਿਆ ਗਿਆ ਹੈ। ਇਸ ਮੈਗਜ਼ੀਨ 'ਚ ਦੀਪਿਕਾ ਉਨ੍ਹਾਂ ਕੁਝ ਮੁੱਦਿਆਂ ਬਾਰੇ ਗੱਲ ਕਰੇਗੀ, ਜੋ ਫੈਨਸ ਲਈ ਨਵਾਂ ਹੋਵੇਗਾ। ਇਸ ਦੇ ਨਾਲ ਹੀ, ਦੀਪਿਕਾ ਡਿਪਰੈਸ਼ਨ ਦੇ ਸਮੇਂ ਬਾਰੇ ਕੁਝ ਦਿਲਚਸਪ ਗੱਲਾਂ ਕਰੇਗੀ।
ਜ਼ਿਕਰੇਯੋਗ ਹੈ ਕਿ ਦੀਪਿਕਾ ਦੀ ਫਿਲਮ 'ਪਦਮਾਵਤ' ਦੀ ਰਿਲੀਜ਼ ਹਾਲੇ ਵੀ ਬਹੁਤ ਸਾਰੇ ਵਿਵਾਦਾਂ 'ਚ ਹੈ। ਇਸ ਦੇ ਬਾਵਜੂਦ, ਫਿਲਮ ਨੂੰ ਦਰਸ਼ਕਾਂ ਤੋਂ ਬਹੁਤ ਪਿਆਰ ਮਿਲ ਰਿਹਾ ਹੈ। ਰਿਲੀਜ਼ ਦੇ ਪੰਜ ਦਿਨਾਂ 'ਚ ਫਿਲਮ ਨੇ ਘਰੇਲੂ ਬਾਕਸ ਆਫਿਸ 'ਚ 129 ਕਰੋੜ ਦੀ ਕਮਾਈ ਕਰ ਲਈ ਸੀ। ਸੰਜੇ ਲੀਲਾ ਭੰਸਾਲੀ ਦੀ 'ਪਦਮਾਵਤ' ਫਿਲਮ ਕਮਾਈ ਦੇ ਨਵੇਂ ਰਿਕਾਰਡ ਬਣਾ ਰਹੀ ਹੈ। ਦੀਪਿਕਾ, ਰਣਵੀਰ ਸਿੰਘ ਤੇ ਸ਼ਾਹਿਦ ਕਪੂਰ ਇਸ ਤੋਂ ਬਹੁਤ ਖੁਸ਼ ਨਜ਼ਰ ਆ ਰਹੇ ਹਨ ਅਤੇ ਹਾਲ ਹੀ ਚ ਇਸਦੇ ਲਈ ਪਾਰਟੀ ਵੀ ਰੱਖੀ ਗਈ ਸੀ।
