ਮੁੰਬਈ, 29 ਅਗੱਸਤ: ਬਾਲੀਵੁਡ ਅਦਾਕਾਰਾ ਤਾਪਸੀ ਪਨੂੰ ਨੂੰ 'ਪਿੰਕ' ਅਤੇ 'ਨਾਮ ਸ਼ਬਾਨਾ' ਵਰਗੀਆਂ ਫ਼ਿਲਮਾਂ ਵਿਚ ਜ਼ੋਰਦਾਰ ਅਦਾਕਾਰੀ ਲਈ ਫ਼ਿਲਮ ਉਦਯੋਗ ਵਲੋਂ ਤਾਰੀਫ਼ ਮਿਲ ਸਕਦੀ ਹੈ, ਪਰ ਉਨ੍ਹਾਂ ਦਾ ਕਹਿਣਾ ਹੈ ਕਿ ਅਸਲ ਜੀਵਨ ਵਿਚ ਇਹ ਬਹੁਤ ਮੁਸ਼ਕਲ ਹੈ ਕਿ ਲੋਕ ਇਸ ਪ੍ਰਕਾਰ ਦੀ ਮਹਿਲਾ ਨੂੰ ਸਵੀਕਾਰ ਕਰਨ। ਤੇਲਗੂ ਫ਼ਿਲਮ 'ਝੁਮੰਦੀ ਨਾਦਮ' ਤੋਂ ਅਪਣੇ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੀ 30 ਸਾਲਾ ਅਦਾਕਾਰਾ ਦਾ ਕਹਿਣਾ ਹੈ ਕਿ ਸਮਾਜ ਦੀ ਤਰ੍ਹਾਂ ਹੀ ਫ਼ਿਲਮ ਉਦਯੋਗ ਵਿਚ ਵੀ ਮਰਦਊ ਮਾਨਸਕਤਾ ਮੌਜੂਦ ਹੈ।
ਤਾਪਸੀ ਨੇ ਪੀਟੀਆਈ ਭਾਸ਼ਾ ਨੂੰ ਦਿਤੇ ਗਏ ਇੰਟਰਵਿਊ ਵਿਚ ਕਿਹਾ,''ਇਕ ਅਦਾਕਾਰਾ ਹੋਣ ਦੇ ਨਾਤੇ, ਜੋ ਇਕ ਦ੍ਰਿੜ ਸੋਚ ਸਮਝ ਰਖਦੀ ਹੈ ਅਤੇ ਜੋ ਆਤਮ ਸਨਮਾਨ ਨਹੀਂ ਛੱਡ ਸਕਦੀ ਹੈ। ਕਈ ਵਾਰ ਮੈਂ ਅਪਣੇ ਤੋਂ ਪੁਛਦੀ ਹਾਂ ਕਿ ਕੀ ਮੈਂ ਅਪਣੇ ਆਤਮ ਸਨਮਾਨ ਨਾਲ ਸਮਝੌਤਾ ਕਰ ਸਕਦੀ ਹਾਂ ਜਾਂ ਕੀ ਮੈਨੂੰ ਕੁੱਝ ਅਜਿਹਾ ਕਰਨਾ ਚਾਹੀਦਾ ਹੈ ਜੋ ਕਰੀਅਰ ਦੇ ਲਿਹਾਜ਼ ਨਾਲ ਚੰਗਾ ਹੋਵੇ?''(ਪੀਟੀਆਈ)  
ਉਨ੍ਹਾਂ ਕਿਹਾ,''ਕਈ ਵਾਰ ਮੈਨੂੰ ਲਗਦਾ ਹੈ ਕਿ ਕੀ ਮੈਨੂੰ ਵਾਕਈ ਚਾਲਾਕ ਜਾਂ ਤੇਜ਼ ਤਰਾਰ ਹੋਣਾ ਚਾਹੀਦਾ ਹੈ?, ਕਿਉੁਂਕਿ ਇਸ ਨਾਲ ਮੈਨੂੰ ਜਾਂ ਮੇਰੇ ਕਰੀਅਰ ਨੂੰ ਫ਼ਾਇਦਾ ਹੋਵੇਗਾ। ਪਰ ਕਈ ਵਾਰ ਆਤਮ ਸਨਮਾਨ ਲਈ ਮੈਨੂੰ ਅਪਣੇ ਕਦਮ ਪਿੱਛੇ ਖਿਚਣੇ ਪੈਂਦੇ ਹਨ ਜਿਸ ਨੂੰ ਬਹੁਤ ਸਾਰੇ ਲੋਕ ਚੰਗਾ ਨਹੀਂ ਸਮਝਦੇ ਹਨ।'' (ਪੀਟੀਆਈ)