ਅਪਣੇ ਹਿੱਟ ਗੀਤਾਂ ਕਾਰਨ ਫੈਨਜ਼ ਦੇ ਦਿਲਾਂ 'ਚ ਆਪਣੀ ਖਾਸ ਥਾਂ ਬਣਾ ਚੁਕੇ ਹਨ
ਪੰਜਾਬੀ ਸੰਗੀਤ ਜਗਤ 'ਚ ਨੌਜਵਾਨ ਦਿਲਾਂ ਦੀ ਧੜਕਣ ਬਣੇ ਮਸ਼ਹੂਰ ਗਾਇਕ ਗੁਰੂ ਰੰਧਾਵਾ ਇਕ ਵਾਰ ਫਿਰ ਚਰਚਾ 'ਚ ਆ ਗਏ ਹਨ । ਜੀ ਹਾਂ ਹਾਲ ਹੀ 'ਚ ਪੰਜਾਬੀ ਗਾਇਕ ਗੁਰੂ ਰੰਧਾਵਾ ਦਾ ਨਵਾਂ ਗੀਤ 'ਰਾਤ ਕਮਾਲ ਹੈ' ਰਿਲੀਜ਼ ਹੋਇਆ ਹੈ। ਜਿਸ ਵਿਚ ਉਨ੍ਹਾਂ ਦੇ ਨਾਲ ਸਹਿ ਗਾਇਕ ਵਜੋਂ ਤੁਸਲੀ ਕੁਮਾਰ ਹੈ।
ਪੰਜਾਬੀ ਅਤੇ ਹਿੰਦੀ ਗੀਤਾਂ ਨਾਲ ਧਮਾਲ ਪਾਉਣ ਵਾਲੇ ਗੁਰੂ ਦਾ ਇਹ ਗੀਤ ਵੀ ਹਿੰਦੀ ਪੰਜਾਬੀ ਮਿਕਸ ਹੈ, ਅਤੇ ਹਮੇਸ਼ਾ ਦੀ ਤਰ੍ਹਾਂ ਹੀ ਇਹ ਗੀਤ ਵੀ ਪਾਰਟੀ ਬੇਸਡ ਹੈ। ਇਸ ਨੂੰ ਟੀ-ਸੀਰੀਜ਼ ਨੇ ਵਲੋਂ ਪੇਸ਼ ਕੀਤਾ ਗਿਆ ਹੈ। ਇਸ ਗੀਤ 'ਚ ਗੁਰੂ ਰੰਧਾਵਾ ਆਪਣੇ ਪੁਰਾਣੇ ਅੰਦਾਜ਼ 'ਚ ਹੀ ਨਜ਼ਰ ਆ ਰਿਹਾ ਹੈਦਸ ਦਈਏ ਕਿ ਗੀਤ 'ਰਾਤ ਕਮਾਲ ਹੈ' ਦੇ ਬੋਲ ਖ਼ੁਦ ਗੁਰੂ ਰੰਧਾਵਾ ਨੇ ਆਪ ਹੀ ਲਿਖੇ ਹਨ ਤੇ ਗੀਤ ਨੂੰ ਕੰਪੋਜ਼ ਵੀ ਗੁਰੂ ਰੰਧਾਵਾ ਨੇ ਹੀ ਕੀਤਾ ਹੈ। ਇਸ ਗੀਤ 'ਚ ਗੁਰੂ ਰੰਧਾਵਾ ਨਾਲ ਅਦਾਕਾਰਾ / ਮਾਡਲ ਖੁਸ਼ਾਲੀ ਕੁਮਾਰ ਨੱਚਦੀ ਨਜ਼ਰ ਆ ਰਹੀ ਹੈ। ਦੱਸ ਦੇਈਏ ਕਿ ਤੁਲਸੀ ਕੁਮਾਰ ਤੇ ਖੁਸ਼ਾਲੀ ਕੁਮਾਰ ਦੋਵੇਂ ਭੈਣਾਂ ਹਨ । ਜਿਨਾਂ ਦਾ ਇਹ ਸੁਮੇਲ ਦੇਖਣ ਨੂੰ ਮਿਲਿਆ ਹੈ। ਉਥੇ ਹੀ ਦਸ ਦਈਏ ਗੁਰੂ ਰੰਧਾਵਾ ਪਹਿਲਾਂ ਹੀ ਅਪਣੇ ਹਿੱਟ ਗੀਤਾਂ ਕਾਰਨ ਫੈਨਜ਼ ਦੇ ਦਿਲਾਂ 'ਚ ਆਪਣੀ ਖਾਸ ਥਾਂ ਬਣਾ ਚੁਕੇ ਹਨ। ਹਾਲ ਹੀ 'ਚ ਗੁਰੂ ਰੰਧਾਵਾ ਨੂੰ ਸਲਮਾਨ ਖਾਨ ਨੇ ਆਪਣੇ ਵਰਲਡ ਟੂਰ 'ਦਬੰਗ ਰੀਲੋਡੈਡ' 'ਚ ਬਾਦਸ਼ਾਹ ਦੀ ਥਾਂ ਸ਼ਾਮਲ ਕੀਤਾ ਸੀ। ਇਸ ਤੋਂ ਇਲਾਵਾ ਗੁਰੂ ਹੁਣ ਤਕ ਅਪਣੇ ਗੀਤ ਲਾਹੌਰ ਨਾਲ ਵਰਲਡ ਰਿਕਾਰਡ ਵੀ ਬਣਾ ਚੁਕੇ ਹਨ।
