ਪੰਜਾਬੀ ਸਿਤਾਰੇ ਜਿਥੇ ਆਪਣੀ ਗਾਇਕੀ ਨਾਲ ਪਾਲੀਵੁਡ 'ਚ ਆਪਣਾ ਨਾਂਅ ਚਮਕਾ ਰਹੇ ਹਨ ਉਥੇ ਹੀ ਇਹ ਸਿਤਾਰੇ ਬਾਲੀਵੁਡ ਲਈ ਵੀ ਆਪਣੇ ਕਦਮ ਅੱਗੇ ਵਧਾ ਰਹੇ ...
ਪੰਜਾਬੀ ਸਿਤਾਰੇ ਜਿਥੇ ਆਪਣੀ ਗਾਇਕੀ ਨਾਲ ਪਾਲੀਵੁਡ 'ਚ ਆਪਣਾ ਨਾਂਅ ਚਮਕਾ ਰਹੇ ਹਨ ਉਥੇ ਹੀ ਇਹ ਸਿਤਾਰੇ ਬਾਲੀਵੁਡ ਲਈ ਵੀ ਆਪਣੇ ਕਦਮ ਅੱਗੇ ਵਧਾ ਰਹੇ ਹਨ। ਪਾਲੀਵੁੱਡ ਇੰਡਸਟਰੀ ਦੇ ਕਈ ਸਿਤਾਰਿਆਂ ਨੇ ਆਪਣੀ ਮਿਹਨਤ ਸਦਕਾ ਬਾਲੀਵੁਡ 'ਚ ਆਪਣੇ ਨਾਂਅ ਦਾ ਲੋਹਾ ਮਨਵਾ ਰਹੇ ਹਨ। ਇਨ੍ਹਾਂ ਸਿਤਾਰਿਆਂ 'ਚ ਦਿਲਜੀਤ ਦੁਸਾਂਝ, ਸੁਰਵੀਨ ਚਾਵਲਾ, ਮਾਹੀ ਗਿੱਲ, ਗੁਰੂ ਰੰਧਾਵਾ ਤੇ ਹੋਰ ਕਈ ਅਦਾਕਾਰ ਸ਼ਾਮਿਲ ਹਨ।
Hardy Sandhu
ਉਥੇ ਹੀ ਹੁਣ ਸਾਡੇ ਪਾਲੀਵੁੱਡ ਦਾ ਇੱਕ ਹੋਰ ਸਿਤਾਰਾ ਬਾਲੀਵੁੱਡ ਗੀਤ ਗਾਉਣ ਵਾਲਾ ਹੈ ਤੇ ਉਹ ਸਿਤਾਰਾ ਹੈ ਹਾਰਡੀ ਸੰਧੂ। ਪਰ ਹਲੇ ਤੱਕ ਅਧਿਕਾਰਕ ਤੌਰ ‘ਤੇ ਇਸ ਦੀ ਕੋਈ ਪੁਸ਼ਟੀ ਨਹੀਂ ਹੋਈ ਹੈ। ਹਾਰਡੀ ਸੰਧੂ ਨੇ ‘ਸੋਚ’,’ਨਾਂਹ’,’ਬੈਕਬੌਨ’ ਅਤੇ ‘ਹੋਰਨ ਬਲੋਅ’ ਵਰਗੇ ਗੀਤਾਂ ਨਾਲ ਆਪਣੀ ਵੱਖਰੀ ਪਹਿਚਾਣ ਬਣਾਈ ਹੈ। ਜਾਣਕਾਰੀ ਲਈ ਦੱਸ ਦੇਈਏ ਕਿ ਹਾਰਡੀ ‘ਯਮਲਾ ਪਗਲਾ ਦੀਵਾਨਾ ਫਿਰ ਸੇ’ ਲਈ ਗੀਤ ਗਾ ਰਹੇ ਹਨ।
Hardy Sandhu
ਹਾਰਡੀ ਨੇ ਇਕ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀ ਜੋ ਕਿ ਉਨ੍ਹਾਂ ਦੀ ਰਿਕਾਰਡਿੰਗ ਕਰਦਿਆਂ ਦੀ ਹੈ। ਜਿਸ ਨਾਲ ਉਨ੍ਹਾਂ ਲਿਖਿਆ, ‘ਯਮਲਾ ਪਗਲਾ ਦੀਵਾਨਾ ਫਿਰ ਸੇ ਲਈ ਇਕ ਗੀਤ ਰਿਕਾਰਡ ਕੀਤਾ ਹੈ। ਉਨ੍ਹਾਂ ਇਹ ਵੀ ਲਿਖਿਆ ਕਿ ਗੀਤ ਜਲਦ ਰਿਲੀਜ਼ ਹੋਵੇਗਾ ਤੇ ਧੁੰਮਾਂ ਪਾਵੇਗਾ।ਜੇਕਰ ਹਾਰਡੀ ਦੇ ਗੀਤਾਂ ਦੀ ਗੱਲ ਕੀਤੀ ਜਾਵੇ ਤਾਂ ਉਹ ਅਕਸਰ ਹੀ ਬਾਲੀਵੁੱਡ ਟੱਚ ਵਾਲੇ ਹੁੰਦੇ ਹਨ।
Hardy Sandhu
‘ਨਾਂਹ’ ਗੀਤ ‘ਚ ਹਾਰਡੀ ਨਾਲ ਬਾਲੀਵੁੱਡ ਅਦਾਕਾਰਾ ਨੋਰਾ ਫਤੇਹੀ ਡਾਂਸ ਕਰਦੀ ਨਜ਼ਰ ਆਈ ਸੀ ਅਤੇ ਇਸ ਗੀਤ ਨੂੰ ਹੁਣ ਤੱਕ ਯੂਟਿਊਬ ‘ਤੇ 248 ਮਿਲੀਅਨ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਿਆ ਹੈ। ਜਿਸ ਤੋਂ ਪਤਾ ਲੱਗਦਾ ਹੈ ਕਿ ਹਾਰਡੀ ਨੂੰ ਦਰਸ਼ਕ ਬਹੁਤ ਪਸੰਦ ਕਰਦੇ ਹਨ। ਅਕਸਰ ਹੀ ਲੋਕ ਹਾਰਡੀ ਦੇ ਨਵੇਂ ਗੀਤਾਂ ਲਈ ਉਡੀਕ ਕਰਦੇ ਰਹਿੰਦੇ ਹਨ। ਇਸਦੇ ਨਾਲ ਹੀ ਦੱਸ ਦੇਈਏ ਕਿ ਹਾਰਡੀ ਸੰਧੂ ਦਾ ਗੀਤ ਬੈਕਬੋਨ ਜਦੋਂ ਰਿਲੀਜ਼ ਹੋਇਆ ਸੀ ਤਾਂ ਦਰਸਕਾਂ ਦਾ ਇਸ ਗੀਤ ਨੂੰ ਭਰਵਾਂ ਹੁੰਘਾਰਾ ਮਿਲਿਆ ਸੀ।
Hardy Sandhu
ਇਸ ਗੀਤ ਨੂੰ ਜਾਨੀ ਨੇ ਲਿਖਿਆ ਸੀ ਅਤੇ ਗੀਤ ਦਾ ਮਿਊਜ਼ਿਕ ਬੀ-ਪ੍ਰੈਕ ਨੇ ਦਿੱਤਾ ਸੀ। ਅਰਵਿੰਦਰ ਖੈਰਾ ਵੱਲੋਂ ਬਣਾਈ ਗਈ ਇਸ ਵੀਡੀਓ ਦੀ ਇਕ ਹੋਰ ਖ਼ਾਸੀਅਤ ਇਹ ਸੀ ਕਿ ਇਸ ਵੀਡੀਓ ਵਿੱਚ ਹਾਰਡੀ ਸੰਧੂ ਦੀ ਵਾਈਫ ਜ਼ੀਨਤ ਸਿੱਧੂ ਵੀ ਨਜ਼ਰ ਆਈ ਸੀ। ਇਸ ਵੀਡੀਓ ਨੂੰ ਆਸਟ੍ਰੇਲੀਆ ’ਚ ਫਿਲਮਾਇਆ ਗਿਆ ਸੀ। ਪੰਜਾਬੀ ਇੰਡਸਟਰੀ ਵਿੱਚ ‘ਸੋਚ’,’ਜੋਕਰ’, ‘ਨਾ ਜੀ ਨਾ’ ਵਰਗੇ ਸੁਪਰਹਿੱਟ ਗੀਤਾਂ ਨਾਲ ਪ੍ਰਸਿੱਧੀ ਖੱਟਣ ਵਾਲੇ ਪੰਜਾਬੀ ਗਾਇਕ ਹਾਰਡੀ ਸੰਧੂ ਹੁਣ ਜਲਦ ਹੀ ਬਾਲੀਵੁੱਡ ਵਿੱਚ ਐਂਟਰੀ ਕਰਨਗੇ।
Hardy Sandhu
ਹਾਰਡੀ ਵਲੋਂ ਗਏ ਗੀਤਾਂ ਨੂੰ ਦਰਸ਼ਕਾਂ ਨੇ ਹਰ ਵਾਰ ਪਸੰਦ ਕੀਤਾ। ਹਾਰਡੀ ਦੇ ਗੀਤਾਂ ਦਾ ਮਿਊਜ਼ਿਕ ਉਨ੍ਹਾਂ ਨੂੰ ਚਾਹੁਣ ਵਾਲਿਆਂ ਨੂੰ ਝੂਮਣ ਲਈ ਮਜਬੂਰ ਕਰ ਦਿੰਦਾ ਹੈ। ਜ਼ਿਆਦਾਤਰ ਗੀਤ ਰੋਮਾਂਟਿਕ ਭਰੇ ਅੰਦਾਜ਼ 'ਚ ਹੁੰਦੇ ਹਨ। ਹਾਰਡੀ ਦੇ ਹਰ ਗੀਤ ਨਾਲ ਉਨ੍ਹਾਂ ਨੂੰ ਪ੍ਰਸਿੱਧੀ ਮਿਲਦੀ ਗਈ ਤੇ ਉਨ੍ਹਾਂ ਦੀ ਮਿਹਨਤ ਦੇ ਰੰਗ ਅੱਜ ਸਾਨੂੰ ਸਭ ਨੂੰ ਉਹ ਮਿਹਨਤ ਨਜ਼ਰ ਆ ਰਹੀ ਹੈ।
