Udit Narayan
ਸਿੰਗਰ ਉਦਿਤ ਨਰਾਇਣ ਦੀ ਹ਼ਾਲਤ ਖ਼ਰਾਬ ਹੋਣ ਦੀ ਵਜ੍ਹਾ ਹੋਣ ਹਸਪਤਾਲ 'ਚ ਭਰਤੀ ਕਰਾਇਆ ਗਿਆ ਹੈ।
ਮੁੰਬਈ : ਸਿੰਗਰ ਉਦਿਤ ਨਰਾਇਣ ਦੀ ਹ਼ਾਲਤ ਖ਼ਰਾਬ ਹੋਣ ਦੀ ਵਜ੍ਹਾ ਹੋਣ ਹਸਪਤਾਲ 'ਚ ਭਰਤੀ ਕਰਾਇਆ ਗਿਆ ਹੈ। ਰਿਪੋਰਟ ਮੁਤਾਬਕ ਉਦਿਤ ਦੀ ਯੂਰਿਨ ਇੰਫੈਕਸ਼ਨ ਅਤੇ ਹਾਈ ਬਲੱਡ ਪ੍ਰੈਸ਼ਰ ਚਲਦੇ ਹਾਲਤ ਵਿਗੜੀ ਅਤੇ ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਮੁੰਬਈ ਦੇ ਇਕ ਹਸਪਤਾਲ 'ਚ ਇਲਾਜ ਲਈ ਲਿਜਾਇਆ ਗਿਆ ਹੈ।
ਪਿਛਲੇ ਮਹੀਨੇ ਵੀ ਭਰਤੀ ਹੋਏ ਸਨ ਉਦਿਤ
ਰਿਪੋਰਟ ਮੁਤਾਬਕ ਉਦਿਤ ਨਰਾਇਣ ਇਨ੍ਹੀਂ ਦਿਨੀਂ 2 ਤਰ੍ਹਾਂ ਡਾਇਬੀਟੀਜ਼ ਤੋਂ ਪੀੜਤ ਹਨ। ਇਕ ਮਹੀਨੇ ਪਹਿਲਾਂ ਹੀ ਗਲੂਕੋਜ਼ ਲੈਵਲ ਹਾਈ ਹੋਣ ਦੀ ਵਜ੍ਹਾ ਨਾਲ ਉਨ੍ਹਾਂ ਨੂੰ ਹਸਪਤਾਲ 'ਚ ਭਰਤੀ ਕਰਾਇਆ ਗਿਆ ਸੀ। ਡਾਇਬੀਟੀਜ਼ ਦੇ ਨਾਲ - ਨਾਲ ਉਨ੍ਹਾਂ ਨੂੰ ਹਾਈ ਬਲੱਡ ਪ੍ਰੈਸ਼ਰ ਦੀ ਪਰੇਸ਼ਾਨੀ ਹੈ। ਇਸ ਵਜ੍ਹਾ ਨਾਲ ਉਨ੍ਹਾਂ ਨੂੰ ਯੂਰਿਨ ਇੰਫੈਕਸ਼ਨ ਦੀ ਵੀ ਸ਼ਿਕਾਇਤ ਹੋ ਗਈ ਹੈ।
ਦਸ ਦੇਈਏ ਕਿ ਉਦਿਤ ਦੇ ਬੇਟੇ ਆਦਿੱਤਿਆ ਨਰਾਇਣ ਨੇ ਸੋਮਵਾਰ ਨੂੰ ਮੁੰਬਈ ਦੇ ਅੰਧੇਰੀ 'ਚ ਅਪਣੀ ਮਰਸਿਡੀਜ਼ ਕਾਰ ਨਾਲ ਆਟੋ-ਰਿਕਸ਼ਾ ਨੂੰ ਟੱਕਰ ਮਾਰ ਦਿਤੀ ਸੀ। ਇਸ 'ਚ ਆਟੋ ਚਾਲਕ ਅਤੇ ਉਸ 'ਚ ਸਵਾਰ ਇਕ ਮਹਿਲਾ ਜਖ਼ਮੀ ਹੋ ਗਈ। ਇਸ ਘਟਨਾ ਦੇ ਸਿਲਸਿਲੇ 'ਚ ਆਦਿਤਿਆ ਦੇ ਖਿਲਾਫ਼ ਲਾਪਰਵਾਹੀ ਦਾ ਮਾਮਲਾ ਦਰਜ ਕਰ ਉਨ੍ਹਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਸੀ। ਬਾਅਦ 'ਚ ਜ਼ਮਾਨਤ 'ਤੇ ਉਨ੍ਹਾਂ ਨੂੰ ਛੱਡ ਦਿਤਾ ਗਿਆ।
ਇਨ੍ਹਾਂ ਫਿਲਮਾਂ 'ਚ ਗਾਏ ਗੀਤਾਂ ਤੋਂ ਉਦਿਤ ਨੇ ਬਣਾਈ ਪਹਿਚਾਣ
ਉਦਿਤ ਨਰਾਇਣ ਨੂੰ 2009 'ਚ ਭਾਰਤ ਸਰਕਾਰ ਦੁਆਰਾ ਪਦਮਸ਼੍ਰੀ ਐਵਾਰਡ ਨਾਲ ਨਿਵਾਜ਼ਿਆ ਗਿਆ ਸੀ। ਅਪਣੀ ਅਵਾਜ਼ ਦੀ ਵਜ੍ਹਾ ਨਾਲ ਉਨ੍ਹਾਂ ਨੂੰ ਤਿੰਨ ਵਾਰ ਬੈਸਟ ਸਿੰਗਰ ਦਾ ਨੈਸ਼ਨਲ ਅਵਾਰਡ ਵੀ ਮਿਲ ਚੁਕਿਆ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੂੰ ਫ਼ਿਲਮਫੇਅਰ ਬੈਸਟ ਸਿੰਗਰ ਦੇ 5 ਅਵਾਰਡ ਵੀ ਮਿਲੇ ਹਨ।
ਉਨ੍ਹਾਂ ਨੂੰ ਇਹ ਅਵਾਰਡ ਫ਼ਿਲਮ 'ਕਿਆਮਤ ਤੋਂ ਕਿਆਮਤ ਤਕ', 'ਦਿਲਵਾਲੇ ਦੁਲਹਨੀਆ ਲੇ ਜਾਏਂਗੇ', 'ਰਾਜਾ ਹਿੰਦੁਸਤਾਨੀ', 'ਹਮ ਦਿਲ ਦੇ ਚੁਕੇ ਸਨਮ', 'ਆਸ਼ਿਕੀ', 'ਲਗਾਨ' ਵਰਗੀਆਂ ਸੁਪਰਹਿਟ ਫ਼ਿਲਮਾਂ ਲਈ ਮਿਲੇ ਹਨ। ਉਦਿਤ ਹੁਣ ਤਕ 30 ਭਾਸ਼ਾਵਾਂ 'ਚ ਕਰੀਬ 15 ਹਜ਼ਾਰ ਗੀਤ ਗਾ ਚੁੱਕੇ ਹਨ।
