Telugu actor Bharat Kant dies in road accident
ਕਾਰ ਵਿਚ ਸਵਾਰ ਸਿਨੇਮੈਟੋਗ੍ਰਾਫਰ ਤ੍ਰਿਲੋਕ ਦੀ ਵੀ ਗਈ ਜਾਨ
ਹੈਦਰਾਬਾਦ: ਤੇਲਗੂ ਸਿਨੇਮਾ ਤੋਂ ਦੁਖਦਾਈ ਖ਼ਬਰ ਆ ਰਹੀ ਹੈ। ਅਦਾਕਾਰ ਭਰਤ ਕਾਂਤ ਦੀ ਇੱਕ ਭਿਆਨਕ ਸੜਕ ਹਾਦਸੇ ਵਿੱਚ ਮੌਤ ਹੋ ਗਈ ਹੈ। ਮਸ਼ਹੂਰ ਸਿਨੇਮੈਟੋਗ੍ਰਾਫਰ ਜੀ. ਸਾਈਂ ਤ੍ਰਿਲੋਕ ਵੀ ਉਨ੍ਹਾਂ ਨਾਲ ਮੌਜੂਦ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਦੋਵਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਉਨ੍ਹਾਂ ਦੀ ਕਾਰ ਇੱਕ ਟਰੱਕ ਨਾਲ ਟਕਰਾ ਗਈ।
ਏਐਨਆਈ ਦੇ ਅਨੁਸਾਰ, ਇਹ ਘਟਨਾ ਹੈਦਰਾਬਾਦ ਆਊਟਰ ਰਿੰਗ ਰੋਡ 'ਤੇ ਵਾਪਰੀ। ਕਾਰ ਹੈਦਰਾਬਾਦ ਦੇ ਆਦਿਬਾਤਲਾ ਪੁਲਿਸ ਸਟੇਸ਼ਨ ਦੇ ਅਧਿਕਾਰ ਖੇਤਰ ਵਿੱਚ ਓਆਰਆਰ ਦੇ ਐਗਜ਼ਿਟ ਨੰਬਰ 12 ਦੇ ਨੇੜੇ ਇੱਕ ਟਰੱਕ ਨਾਲ ਟਕਰਾ ਗਈ। ਇਹ ਘਟਨਾ ਕੱਲ੍ਹ ਰਾਤ ਵਾਪਰੀ। ਆਦਿਬਾਤਲਾ ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੇ ਮਾਮਲਾ ਦਰਜ ਕਰ ਲਿਆ ਹੈ, ਮ੍ਰਿਤਕਾਂ ਦੀਆਂ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ ਅਤੇ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
